A 'felicidade laboral', materia pendente das empresas galegas
Seis de cada 10 traballadores galegos cren que a súa empresa aínda non aplica políticas para o benestar do empregado.
Seis de cada 10 traballadores de Galicia cren que a súa empresa aínda non aplica políticas dedicadas ao benestar e a satisfacción do empregado, nin outro tipo de medidas dedicadas á "felicidade laboral", segundo un informe de Adecco.
Pola súa banda, o 28,1% dos empregados galegos entende que, aínda que timidamente, as compañías si están a adoptar este tipo de medidas, e un 10,5% opina que o están facendo "seriamente".
Fronte a isto, o 95,6% dos enquisados por Adecco na comunidade galega opina que un traballador feliz é tamén un traballador "moito máis produtivo".
Ademais, máis da metade dos preguntados en Galicia (o 56,1%) considera que a inclusión ou non destas políticas é un aspecto "fundamental" á hora de optar por unha empresa ou outra para traballar.
Outro 36,8% pensa que, aínda que non fose unha razón definitiva, tería en conta estas medidas para elixir unha firma ou outra e só un 7% dos consultados ve que non inflúen ou o fan pouco no momento previo á fichaxe.
Escribe tu comentario