#Claves de la semana

300 persoas concéntranse ante o Sergas para esixir "estabilidade"

Sindicatos urxen a Mesa Sectorial como foro onde se negocie o cadro de persoal para que non se faga "no xulgado" tras as sentenzas. 


|

Concentracionsergastemporales


Máis de 300 persoas, segundo fontes dos convocantes, concentráronse este venres diante da sede da Consellería de Sanidade en Santiago de Compostela para esixir ao Sergas que estabilice as prazas vacantes cubertas de modo irregular.


A protesta, secundada por CSIF, CIG-Saúde, UGT e Satse, volveu a defender a sanidade pública e a denunciar que "a precariedade diminúe a calidade da asistencia", segundo recalcou a responsable de CIG-Saúde, María Xosé Abuín.


Neste sentido, Abuín alegou que "urxe" convocar a Mesa Sectorial para que este sexa o marco onde se negocie o cadro de persoal do Sergas "e non o xulgado", tras as diversas sentenzas sobre interinidade.


Por iso, insistiu en que "non se pode paralizar a Administración" por atoparse na actualidade en funcións o goberno da Xunta tras as eleccións autonómicas do 25 de setembro. "As competencias están transferidas", resaltou a representante de CIG-Saúde.


Concentracionsergastemporales2


Ademais, lembrou que o presidente galego en funcións, Alberto Núñez Feijóo, dixo que traballan nos orzamentos de 2017, polo que "urxe" que se aborde o cadro de persoal para que as prazas vacantes vaian orzadas nas contas. "Senón, non serve de nada", lamentou.


PLAN DE EMPREGO


Nesta liña, o responsable de sanidade de UGT en Galicia, Javier Martínez, manifestou que "é triste que veña Europa a dicir que o Sergas fai contratos en fraude de lei".


Por iso, defende un "plan de emprego" para que "se vaian estabilizando" os temporais e reclama que "todas as prazas que din que son estruturais que as estabilicen".


"O Sergas bótalle a culpa a Madrid, pero ten as competencias en sanidade", recalcou Martínez, para reivindicar que "deixen de facer contratos en fraude de lei" e establezan un plan para dar estabilidade. "É triste que Europa veña a tirar das orellas á Administración pública", concluíu.


REUNIÓNS


Os representantes dos sindicatos convocantes da protesta deste venres --CIG-Saúde, CSIF, UGT e Satse-- pediron que lles reciba o conselleiro de Sanidade en funcións, Jesús Vázquez Almuíña, para abordar esta problemática.


Ademais, avanzaron que a próxima semana van solicitar "reunións urxentes", segundo precisou Abuín, cos grupos con representación no Parlamento de Galicia.

relacionada ​Veinte expertos debaten en Vigo sobre la privatización de la sanidad en Europa
relacionada "Caos organizativo" y escasez de personal en las Urgencias del HAC
relacionada Sanitarios convocan asembleas para informar aos temporais que queiran denunciar
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE