"Hai outras cooperativas galegas interesadas en formar parte do grupo lácteo"

|

Lechegalicia


O presidente da cooperativa Os Irmandiños, con base en Ribadeo e que opera en 40 concellos da provincia de Lugo, José Ángel Blanco Purriños, afirmou que hai outras "cooperativas" galegas interesadas en formar parte do proxecto de gran grupo lácteo que abandeiran xunto a Melisanto e Feiraco.


"Estamos abertos e xa hai cooperativas interesadas en iniciar o estudo para incorporarse", constatou despois de que o xerme deste gran grupo lácteo galego puxérono, tras as asembleas do 31 de outubro, Melisanto, Os Irmandiños e Feiraco, despois de que Xallas decidise finalmente descolgarse do proxecto


Así, comentou que este proxecto embrionario nace con "vocación de integrar". "O que pretendemos é facer un grupo forte, facer unha empresa máis forte. Agora iniciamos tres pero estamos seguro que no futuro haberá máis cooperativas que se fusionen connosco", incidiu.


Blanco Purriños quere "evitar" falar da creación do "gran grupo lácteo" galego e ser prudente porque levan "moitos anos falando dese tema e é unha cousa bastante difícil".


"Isto non se constrúe nin nun ano, nin en dous, este é un pequeno paso para ter unha empresa propiedade dos gandeiros e que poida defender mellor os intereses dos nosos socios", sostivo.


Ademais, o presidente de Irmandiños, fundada "hai 40 anos" e que conta con máis de mil socios, calculou que as tres cooperativas poden chegar a producir "máis de 300 millóns de litros de leite" ao ano, "sobre un 15 ó un 16 por cento da produción total de Galicia", segundo estimou.

relacionada ​Xallas descólgase do gran grupo lácteo galego
relacionada ​Outro chanzo para o gran grupo lácteo
relacionada ​Catro cooperativas galegas queren integrarse nun grupo lácteo

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress