1.500 persoas examínanse para obter o Celga

|

Examenselectividadestudiantes


Ao redor de 1.500 persoas participarán durante este fin de semana e o próximo nas probas para obter o título Celga, que acredita o coñecemento da lingua galega.


As probas realizaranse en Santiago de Compostela e Ponferrada (León) durante este fin de semana --no que se realizan os exames do nivel 4 e 2-- e o próximo.


Deste xeito, ao redor de 900 persoas preséntanse este sábado a exame para obter o 'Celga 4', o nivel máis elevado de coñecemento que outorgan as probas. O domingo será a quenda dos que opten ao nivel 2, nunhas probas que se desenvolverán na Escola Galega de Administración Pública (EGAP) de Santiago e a Escola Oficial de Idiomas de Ponferrada.


Así, o vindeiro sábado 12 e o domingo 13 terán lugar os exames do nivel 3 --co instituto santiagués Antón Fraguas como sede-- e do 1, cuxas probas se desenvolverán nos mesmos lugares que a anterior semana.


O sistema Celga, implantado no ano 2007 e xestionado a través da Secretaría Xeral de Política Lingüística, proporciona "unha base común para a elaboración de programas de linguas, orientacións curriculares, exames ou manuais en consonancia cos sistemas existentes para o resto dos idiomas de Europa", lembra a Xunta.

relacionada ​Gadis imaxina un futuro “á galega”
relacionada 'O galego é un mundo", unha iniciativa para erradicar prexuízos sobre o idioma
relacionada Ryanair fala galego

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress