Denuncian falta de protección dun xacemento arqueolóxico en Cervo

//mrpatrimonio.blogspot.com.es

Adega e Mariña Patrimonio denunciou ante o Servizo de Patrimonio Cultural de Lugo os "graves danos" producidos nunha das estruturas circulares no xacemento arqueolóxico da Mourisca, no Concello de Cervo.

Segundo explican nun comunicado, os danos producíronse durante a curta e replantación de eucaliptos que afectaron a toda a superficie do recinto circular e o parapeto que o protexe, pois afectou "gravemente" á estrutura o uso de pas mecánicas e o movemento de terras.

Respecto diso, critican que Patrimonio "puido evitar os graves danos sufridos recentemente", pero censura que non actuou en tempo para inventariar correctamente o xacemento e elevar a súa protección, por iso pídelle que adopte medidas para o futuro.

Así, Adega e Mariña Patrominio sinalan que A Mourisca é "un sitio arqueolóxico único en Galicia", que se atopa no monte Motín, entre Castelo, Viladesuso e A Senra. Está formado por dúas estruturas circulares duns 30 centímetros de diámetros, posibles 'henges' e dúas 'mámoas' --túmulos funerarios--.