Galego
Denuncian "represión sindical' no Eurostars Gran Hotel La Toja
CCOO acusa á empresa propietaria do hotel de despedir a dous traballadores con traxectorias profesionais "intachables" por seren afiliados e estaren no Comité de Empresa.
O sindicato Comisións Obreiras de Arousa acusou á empresa Arcatis SLU Eurostars, propietaria do Gran Hotel La Toja, de "represión sindical" polo despedimento de dous empregados cunha traxectoria "intachable" e de "defensa dos traballadores nos procesos de ERE".
Así, o sindicato denunciou que este sábado foi comunicado o despedimento aos dous traballadores, afiliados a Comisións e membros do Comité de Empresa, que tiñan unha antigüidade na empresa "de 34 e 17 anos, respectivamente".
Para CC.OO., a decisión da empresa forma parte de "unha cadea de despedimentos que a día de hoxe concéntranse nos Representantes Sindicais con formas e feitos propios de tempos pasados", á vez que acusa a Arcatis SLU Eurostars de practicar unha "persecución e represión sindical" cara ao sindicato.
"A persecución sindical é propia da cadea Hotusa (á que pertence este hotel) cuxo presidente é o galego Amancio López, amigo íntimo de Mariano Rajoy", censurou.
Multa de 30.000 euros a Transegre polo despedimento de dous traballadores da CIG
A CIG denuncia o despido en Transegre de dous candidatos ás eleccións sindicais
Escribe tu comentario