O auxe das gasolineiras pantasma pon en risco 3.000 postos de traballo en Galicia

|

Gasolinera 1


O presidente da Federación Galega de estacións de servizo, Benigno Redondo, reclamou á Xunta "que poña en marcha unha lexislación que regule a instalación das gasolineiras non atendidas", aquelas que non contan con ningún persoal, xa que "incumpren a actual normativa que ao resto obrigan a cumprir".


Así, destacou que cada gasolineira galega conta, de media, "cuns cinco traballadores, uns 3.000 en Galicia, que estarán en risco de desaparición se este tipo de instalacións proliferan".


Ademais, incidiu en que están "moi doídos pola actitude da Consellería de Industria", a través da Dirección Xeral de Enerxia, "que incumpriu en reiteradas veces a palabra que deu e o seu compromiso". "É necesario actuar xa", subliñou.


O asesor xurídico da agrupación que aglutina a boa parte das estacións de servizo galegas, Miguel Sánchez, asegurou que a chegada das gasolineiras non atendidas supón para os cidadáns "un reaxuste nos dereitos que lles asiste con respecto a un servizo que é público" e no que é necesario cumprir "unha normativa de seguridade industrial e contra incendios que non se pode cumprir nestas estacións de servizo".


Ademais, resaltou que o seu capital é "en todas elas foráneo, de fóra de Galicia", e así incidiu na "obrigación de ter un conselleiro de seguridade ao realizarse cargas e descargas de mercadorías perigosas".


Sánchez alertou do perigo de facer "descargas de ata 30.000 litros de combustible sen haber unha persoa encargada neste momento", ademais de que o consumidor "non podería facer unha comprobación da medida no momento no que se está realizado unha subministración".


Isto levounos a reclamar que por parte da administración, "neste caso a Xunta, que é a competente, se adopten as medidas tal e como se realizou noutras comunidades autónomas, xa que Galicia é a única que aínda non tomou ningunha decisión".


Desde o seu punto de vista, "hai normativa de consumidores e usuarios que obriga a que as estacións de servizo estean atendidas por persoal, xa que se trata dunha subministración dunha mercadoría perigosa que si están a obrigar a cumprir ás gasolineiras con persoal e non a estas".


DECRETO


Miguel Sánchez reclamou que "se edite o decreto ao que se comprometeu a administración e que se adopten as medidas oportunas". Ademais, anunciou que realizarán "unha campaña de revisión de todas as medidas de seguridade nas estacións de servizo non atendidas".


"Acudirémonos e faremos as comprobacións oportunas e poderemos demostrar que non se pode facer a comprobación por medio de matraz no momento do servizo, ademais de emisión de factura, e que é posible facer a reposición co motor e luces acesas, e utilizando o teléfono móbil", incidiu.


"A administración é coñecedora disto e ten que tomar as medidas oportunas", profundou, antes de apuntar que a día de hoxe en Galicia funcionando e instaladas á espera de poder entrar en servizo existen unhas 15 estacións non atendidas.


APOIO SINDICAL


O responsable da Federación de Industria de CCOO, Víctor Ledo, tamén mostrou o seu rexeitamento á posta en marcha de estacións deste tipo, "porque supoñen unha clara ameaza para os postos de traballo do resto de gasolineiras".


Igualmente, destacou que "en todas as comunidades do resto do Estado, fóra de Galicia, existe unha lexislación bastante dura para evitar a proliferación deste tipo de estacións".


Así mesmo, mostrou o seu rexeitamento "á promesa de Ángel Bernardo Tahoces --responsable de Enerxía e Minas--, que tomou un compromiso de tomar todas as medidas posibles para evitar estas instalacións, que non se tomaron".


Xunto a Ledo, que criticou que se estea "dilatando no tempo unha petición de entrevista que xa se solicitou", mostrou tamén o seu apoio a estas reivindicacións Lourdes Mirás, de UXT-FICA Galicia.

relacionada Pontevedra é a provincia española cos precios máis altos en gasolina
relacionada ​'Tarxetas black' en gasolineiras galegas
relacionada ​A CNMC rompe unha lanza a favor das 'gasolineiras pantasma'

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE