​Feijóo sobre o diálogo con Cataluña: "Entre dous, se un non quere, non é posible"

|

Feijooconsellodaxunta

O presidente da Xunta, Alberto Núñez Feijóo, destacou este venres que "ninguén pode dubidar" que o Goberno que dirixe Mariano Rajoy quere "dialogar" con Cataluña, pero advertiu que non será posible se a resposta da Generalitat é "un palntexamento soberanista, independentista e con actuacións ilegais".


"Ninguén pode discutir que o Goberno central busca unha aproximación de diálogo, pero se a Generalitat contesta cunha formulación soberanista, independentista e con actuacións ilegais, corta calquera tipo de posibilidade de diálogo construtivo", reivindicou, na rolda de prensa posterior ao Consello da Xunta.


En concreto, Feijóo aludiu así á oferta de diálogo exposta pola vicepresidenta do Goberno, Soraya Sáenz de Santamaría, coa súa visita a Cataluña, e ao paso dado polo presidente da Generalitat, Carles Puigdemont, de convocar un cume para o referendo sobre a independencia.


"Se non queren dialogar, falar... se queren incumprir as leis e romper calquera tipo de ponte ou diálogo, que é imposible. Entre dous, se un non quere, non é posible", resolveu o líder do PP galego.


"COMBATER OS POPULISMOS"


O presidente da Xunta, Alberto Núñez Feijóo, compartiu este venres a percepción do seu homólogo estatal, Mariano Rajoy, quen apelou nunha entrevista con 'The Wall Street Journal' a combater os populismos, co argumento de que alí onde chegaron ao "poder" o que tentan é "menoscabar os alicerces da democracia".


"Toda a democracia debe facer fronte ao populismo", sentenciou o tamén líder do PP galego na rolda de prensa posterior ao Consello da Xunta.


Ao fío desta afirmación, reflexionou acerca de que "todos os sistemas democráticos" teñen "entre outros, o risco" de que, no marco "dun Estado de Dereito, de liberdades e de liberdade de opinión", xurdan "formulacións populistas".


Por iso, considerou "lóxico" que "a democracia se defenda a si mesma" e fixar mecanismos para "defender o propio sistema", tendo en conta que o populismo --esgrimiu-- supón "unha ameaza".


A modo de argumento, sinalou que, nos países nos que forzas populistas chegaron ao poder, buscouse "cambiar os sistemas democráticos", alterar "as garantías democráticas" e "tentar menoscabar os alicerces da democracia".


"Os demócratas debemos alertar á poboación sobre o risco dos sistemas populistas, que o que buscan é diminuír e erosionar o sistema democrático", concluíu.

relacionada Rueda suxire que PSdeG e En Marea decidan "primeiro" os seus líderes
relacionada La conferencia de Feijóo en Barcelona no es casual
relacionada ​Feijóo pide diálogo sen liñas vermellas con Catalunya: "A lei non pode ser obstáculo para a empatía"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress