O PPdeG buscará que o Hórreo demande a conexión de Lugo coa alta velocidade

O portavoz do Grupo Parlamentario Popular, Pedro Puy, destacou que a súa formación pedirá no pleno que arrinca este martes solicitar ao Ministerio de Fomento a conexión de Lugo cos servizos de alta velocidade ferroviaria, para o que demanda a inclusión de compromisos nos orzamentos.

A iniciativa defendida polos populares galegos busca insistir ante o Goberno central na necesidade de acometer, no menor prazo de tempo posible, un proceso de modernización da liña ferroviaria entre Lugo e Ourense, a través de Monforte.

Ademais, demanda ao Ministerio de Fomento que de prioridade aos investimentos que garantan a modernización e faciliten a conexión de Lugo cos servizos de alta velocidade ferroviaria, de forma que se garanta que os tempos de viaxe entre Lugo e Madrid se sitúen sobre as tres horas.