Adenco denuncia a utilización de réptiles na celebración do Corpus en Ponteareas

|

Serpientemonte


Axentes forestais da Consellería de Medio Ambiente extremarán a vixilancia na zona de Ponteareas (Pontevedra) tras a denuncia do grupo ecoloxista Adenco, sobre os malos tratos de animais salvaxes durante a celebración do Corpus nesta localidade.


Adenco denunciou ante a Consellería hai meses a existencia dun posto nas festas, un cruceiro vexetal no que se exhibían diferentes especies de réptiles, entre eles exemplares de lagarto arnal ou de culebra de colar. Por iso, a administración autonómica requiriu (en dúas ocasións) ao Concello de Ponteareas información sobre eses feitos e sobre a posible autorización para a instalación dese cruceiro.


Con todo, o concello afirmou descoñecer eses feitos e negou autorizar esa instalación, polo que non se puido iniciar ningún expediente sancionador. En todo caso, Medio Ambiente confirmou (nun escrito remitido a Adenco) que informará da denuncia aos axentes forestais do distrito correspondente para que extremen a vixilancia co fin de que non se volvan repetir os feitos denunciados.


O grupo ecoloxista, pola súa banda, tras mostrar as súas dúbidas acerca do suposto descoñecemento do concello sobre esa situación, lembrou que o pleno municipal aprobou unha moción en marzo deste ano pola que se acordou que o concello será "parte activa contra a utilización de animais salvaxes ou en catividade en espectáculos, filmacións, actividades publicitarias, actividades culturais ou relixiosas", e calquera outra na que poidan padecer "dano, sufrimento, degradacións, tratamentos antinaturales ou tensións".

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress