Almuíña defende a profesionalidade dos altos cargos investigados pola hepatite C

|

Almuiaconselleirodesanidade


O conselleiro de Sanidade, Jesús Vázquez Almuíña, reivindicou a "profesionalidade" dos altos cargos do Sergas --o exdirector xeral de Asistencia Sanitaria e actual xerente da área sanitaria de Vigo, Félix Rubial, e Carolina Gómez-Criado, subdirectora xeral de Farmacia-- investigados por dous supostos delitos de homicidio imprudente por, supostamente, atrasar a administración de tratamentos a pacientes con hepatites C.


Nunha entrevista á Radio Galega, asegurou que apartalos do seu cargo pola investigación da hepatite C sería "un demérito" para o servizo sanitario galego. Tamén negou que houbese atrasos na prescrición dos fármacos e defendeu que Rubial e Gómez-Criado son "dous magníficos profesionais".


Respecto diso, alegou que o que se fixo foi analizar o posible prexuízo ou beneficio de fármacos novos. "O que fixeron, fixérono ben porque máis de mil pacientes foron tratados", apostilou. Ademais, defendeu que houbo un proceso "transparente".


"Do que se lles acusa non é de que morrese xente, senón que houbese un atraso no tratamento", precisou. Con todo, incidiu en que desde a Administración "demostramos que non houbo atraso".


Así, insistiu en que o auto da Audiencia Provincial da Coruña "di que non hai causa médica directa que diga que en caso de atraso conducise á morte". "Houbo mortes antes dos tratamentos, nese período e no período actual", apostilou sobre este caso.


OFERTA PÚBLICA DE EMPREGO


Por outra banda, na entrevista, comprometeuse a que haberá ofertas públicas de emprego en Galicia no ámbito sanitario cada ano ou cada dous anos. Por este motivo, avanzou que pedirá á ministra de Sanidade, Dolors Montserrat, que se elimine a taxa de reposición que limita o número de prazas que se poidan convocar en cada oferta pública de emprego.


Tamén dixo que queren que se elimine "para recuperar prazas". Sobre esta cuestión, admitiu que se necesitan convocar "máis" para poder recuperar "as que se perderon nestes anos de crises", engadiu.


LISTAS DE ESPERA


Mentres, sobre as listas de espera, explicou que nas próximas semanas farán un balance, aínda que avanzou que hai "bos resultados". Por outra banda, comentou que nas próximas semanas sacarán adiante a Lei de Garantías de Listas de Espera galega para algunhas patoloxías co obxectivo de regular o número de días máximo de espera e o protocolo para seguir en caso de superarse.


O conselleiro expuxo, ademais, que en xaneiro se coñecerá o hospital público galego "no que se realizarán os abortos de máis de 22 semanas que son os máis complexos". "En Galicia facíase en clínicas con experiencia adecuada, pero nós queremos que se faga no sistema público galego", engadiu.


INCIDENCIA DA GRIPE


Sobre a gripe, apuntou que se espera que a incidencia aumente "a mediados e finais do mes de xaneiro". Por iso, admitiu que cando chegue o pico máximo "haberá pequenos atrasos por un número tan grande de casos". Con todo, asegurou que se está "preparado" para dar resposta tanto desde os centros de saúde, os Puntos de Atención Continuada ou os hospitais.


En canto ás partidas das que dispoñerá este ano a Consellería de Sanidade, explicou que se destinarán a mellorar infraestruturas, adquirir novos tratamentos e actuacións en materia de prevención.

relacionada ​Feijóo non destituirá aos cargos do Sergas investigados no caso da Hepatite C
relacionada ​O virus da gripe cobra a súa primeira vítima deste inverno en Galicia
relacionada ​El Sergas da de baja a enfermeras los viernes y las vuelve a contratar los lunes
relacionada ​El Defensor del Paciente denuncia la "alta precipitada" a una mariscadora con cáncer
relacionada O Sergas "tentará" que todos os abortos se practiquen en Galicia

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress