​O lume arrasou 62.830 hectáreas nos once primeiros meses de 2016

|

Incendioavion


O lume arrasou un total de 62.830 hectáreas de superficie desde que comezou 2016 ata o 30 de novembro, o que representa case un 35% menos (34,94%) que a media do decenio e un 22,1 por cento menos que o ano pasado, segundo datos do Ministerio de Agricultura e Pesca, Alimentación e Medio Ambiente (Mapama).


As cifras poderían servir case de balance anual provisional posto que neste mes de decembro non se produciron tantos e tan virulentos incendios forestais como si se rexistraron o ano pasado na cornixa cantábrica, desde Galicia ata Navarra.


Así, os datos indican que tamén este ano producíronse menos incendios forestais que en 2015 e que a media do decenio, pero destaca o número de grandes incendios forestais, xa que de momento, este sería o quinto ano do decenio con maior número de lumes que afectaron a máis de 500 hectáreas.


En concreto, neste 2016 producíronse 22 grandes incendios forestais, un menos que a media do decenio e 8 máis que o ano anterior. En total, ata novembro producíronse 8.476 sinistros, dos que 6.296 foron conatos, é dicir, que afectaron a unha hectárea ou menos superficie e 2.180 incendios, de entre 1 e 499 hectáreas de superficie afectada.


Por áreas xeográficas, o 43,26 por cento dos sinistros ocorreu no noroeste; o 33,82 por cento nas comunidades interiores; o 21,92 por cento no Mediterráneo e o 1 por cento, en Canarias.


Con todo, atendendo ao lume que afectou á superficie arborizada destaca o 14,79 por cento de Canarias, en boa medida debido ao gran incendio da illa da Palma, que afectou a gran parte da illa. En todo caso, case a metade da superficie arborizada, exactamente o 47,64 por cento, queimouse no Noroeste; o 20,40 por cento no Mediterráneo e o 17,17 por cento nas comunidades interiores.


En canto á superficie forestal, o 48,73 por cento ardeu no noroeste; o 24,33 por cento nas comunidades interiores; o 20,18 por cento, no Mediterráneo e o 6,76 por cento en Canarias.

relacionada Extinguido o incendio de Entrimo tras queimar 3.000 hectáreas
relacionada Aumentan nun 14% os fondos das axudas para a prevención de incendios en montes veciñais
relacionada Máis de 7.000 hectáreas calcinadas en tres días e medio

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress