Recuperar o consumo de leite, propósito para 2017

|

Promocionsectorlacteo


A Xunta e a Organización Interprofesional Láctea (Inlac) mantiveron unha reunión este luns na que coincidiron en que o obxectivo principal do sector continúa sendo "recuperar o consumo", tarefa para cal seguirán desenvolvendo conxuntamente campañas de promoción.


No encontro estivo presente a conselleira de Medio Rural, Ángeles Vázquez, a directora xeral de Gandaría, Agricultura e Industrias Agroalimentarias, Belén do Campo, e o presidente de Inlac, José Armando Tellado. Este organismo engloba a representantes de "todo o sector lácteo" --produtores e rama transformadora--.


Así, segundo informou o Goberno galego nun comunicado, no encontro trataron a "situación" do sector na actualidade e os retos aos que se enfronta no recentemente iniciado 2017, un ano no que o principal obxectivo segue sendo recuperar o consumo de leite na poboación.


Deste xeito, Xunta e Inlac apostarán por "facer promoción do leite e os seus derivados para que estes volvan estar nas dietas de adultos e menores", xa que, como lembraron, o consumo descendeu nos últimos anos en España "un 4,3 por cento" en termos totais e, en litros 'per cápita', caeu "de 100 a 73".


"O leite foi substituído por outras alternativas e o que é máis preocupante é que desaparece dos hábitos alimenticios sen que os consumidores detecten esta carencia", apuntou a conselleira do Medio Rural, Ángeles Vázquez.


CAMPAÑAS DE PROMOCIÓN


Así as cousas, a Xunta continuará este ano coas súas campañas de promoción "como o da marca Galega 100%" ou as axudas para o consumo de lácteos na escola.


Pola súa banda, o presidente da Inlac, José Armando Tellado, incidiu na importancia de "sensibilizar á poboación da importancia de lácteos", tarefa que esta organización realiza a través de campañas como 'Di si aos lácteos' ou a celebración do Día Mundial dos Lácteos na Escola.


Así mesmo, ambas as partes celebraron a existencia do 'Acordo de Estabilidade e Sustentabilidade do Sector de Vacún de Leite', que actúa como "canle de diálogo entre os integrantes da cadea de produción e transformación coa distribución".


Nesta liña, tanto Xunta como os representantes do sector manifestaron que é preciso "aprofundar" no dito acordo e "seguir potenciando o documento a través de ferramentas que permitan desenvolver a sustentabilidade do sector".

relacionada O soño do gran grupo lácteo galego xa é realidade
relacionada Clun aposta pola transformación e a expansión
relacionada ​Deleite saca ao mercado unha nova gama de leite sen lactosa

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress