​Lara Méndez apela á "débeda histórica" da Xunta coa cidade de Lugo

|

Auditoriodelugo

A alcaldesa de Lugo, a socialista Lara Méndez, e o delegado territorial da Xunta, José Manuel Balseiro, reuníronse este xoves no despacho da Alcaldía para tratar de achegar posturas sobre as urxencias do municipio. Tras o encontro, a rexedora apelou á "débeda histórica" da Administración autonómica coa cidade.


Despois de case unha hora de reunión, o delegado e a rexedora compareceron ante os medios e evidenciaron a sintonía entre ambas as administracións, así como descencuentros que manteñen, como é o caso do novo auditorio e o seu equipamento.


Lara Méndez explicou que a reunión fora "moi agradable" e aproveitou para felicitar a Balseiro por "esa nova responsabilidade" que asumiu á fronte da Delegación da Xunta.


No encontro, a alcaldesa trasladoulle "un dossier coas necesidades do Concello", un informe que xa transmitiu ao propio presidente da Xunta, Alberto Núñez Feijóo, "en agosto de 2015", segundo lembrou.


Ademais, apelou a unha "débeda histórica" coa cidade, polo que emulando ao propio presidente autonómico no seu discurso de fin de ano, afirmou que tampouco vai consentir "que Lugo" sexa menos.


No ámbito en que se puxo de manifesto a discrepancia, tras o encontro, foi á hora de abordar o equipamento para o novo auditorio, no que investiu a Xunta 20 millóns de euros.


AUDITORIO


Lara Méndez sinalou a Balseiro que xa se produciu algún contacto coa Xunta para revisar as "necesidades", que o Goberno galego fixou en 3,5 millóns de euros para provelo.


A Balseiro comunicoulle que "non se trata de recepcionar un edificio, trátase de recepcionar un auditorio e para ser auditorio precísase dun equipamento que non ten". "Teremos que sentarnos, falar e darlle solución", apostilou.


"ESFORZO"


Pola súa banda, o delegado da Xunta en Lugo defendeu o "esforzo" do Executivo galego, "nun momento difícil", coa devandita infraestrutura cultural.


Nesta liña, Balseiro insistiu este xoves na "necesidade" de que as tres administracións "se poñan de acordo" para "amoblar" o edificio, tanto Xunta, Concello, como Deputación provincial.


Balseiro apuntou que a Xunta nos orzamentos de 2017 "reserva unha partida para ese equipamento, que é a parte que lle corresponde ás tres administracións, que sería 1.200.000 euros".


A alcaldesa apelou a que hai unha cuarta administración, que é a central, que "tamén pode contribuír". "Nunca se falou de tres administracións, nin de porcentaxes. Hai outros precedentes noutras cidades", afeou sobre outras cidades galegas onde o financiamento levouna na súa totalidade o Goberno galego.

relacionada ​A Xunta, "preocupada" polos actos vandálicos na Muralla de Lugo
relacionada Lugo limitará a velocidade de circulación pola Rolda da Muralla a 30 km/h
relacionada ​A Cámara pide modernizar o tren entre Lugo e Ourense

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Cabecerarecomendados 1
Cabeceraultimahora
Cabeceralomasleido 1


Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress