A Xunta reitera o apoio a todas as iniciativas de cooperación transfronteiriza entre Galicia e Portugal norte
Alfonso Rueda asistiu hoxe á sinatura do Protocolo de Irmandamento entre Monçao e Salvaterra de Miño
Ambos concellos pretenden constituírse como a terceira Eurocidade da «raia» luso galaica, despois das de Chaves-Verín e Tui-Valença
Cúmprese tamén o XX aniversario da Ponte Internacional do río Miño que uniu a ambas localidades
O vicepresidente da Xunta, Alfonso Rueda reiterou o apoio do goberno galego a todas as iniciativas de cooperación transfronteiriza entre Galicia e o Norte de Portugal e salientou que a xestión compartida de servizos e proxectos aporta beneficios directos para os cidadáns dun e doutro lado da raia.
Alfonso Rueda, acompañado do Secretário de Estado dos Negócios Estrangeiros e Cooperação do goberno portugúes, Luis Campos Ferreira, e dos alcaldes de Monçao e Salvaterra de Miño, Augusto Domingues e Arturo Grandal, respectivamente, asistiron hoxe aos Actos do XX aniversario da Ponte Internacional do río Miño e á posterior sinatura do Protocolo de Irmandamento entre Monçao e Salvaterra de Miño.
Alfonso Rueda amosou o total apoio da Xunta con todas as iniciativas de cooperación transfronteiriza entre Galicia e o Norte de Portugal, cuestión pola que tamén aposta a Unión Europea ao primar no seu reparto de fondos os proxectos conxuntos.
O protocolo que hoxe se asinou entre ambos concellos prevé a promoción do turismo, aproveitando os recursos naturais e a súa situación no val do Miño, a divulgación do Patrimonio histórico artístico de ambos concellos, así como a colaboración e o fomento do conxunto de instalacións deportivas, empresariais e culturais. Ademais, da promoción da viticultura, a enoloxía e a gastronomía local.
A sinatura deste Protocolo é unha mostra clara da aposta por unha integración socioeconómica e cívica total. Dende a Comunidade de Traballo Galicia-Norte de Portugal, a través da AECT, apostase por traballa
r na liña desta iniciativa, para fornecer de servizos de calidade aos seus conveciños que creen conciencia de unión.
Unha das principais liñas de traballo da Agrupación Europea de Cooperación Territorial Galicia-Norte de Portugal (GNP-AECT) é o achegamento das administracións locais de ámbolos lados da fronteira. Así, no ano 2013 asináronse os irmandamentos entre Lalín e Cabeceiras de Basto e en 2014 entre Caldas de Reis e Vizela. Tomiño e Vilanova da Cerveira son beneficiarios dun programa “Europa dos cidadán”, cunha candidatura elaborada pola AECT. Estase a auspiciar a sinatura dun irmandamento este ano entre Baião e Moraña, e outro entre Arteixo e Famalicão. E continúa o traballo coas Eurocidades (nomeadamente coa Eurocidade Tui Valença, xa que a Eurocidade Verín-Chaves conta coa súa propia AECT).
XX aniversario Ponte Internacional
Cómprense hoxe 20 anos da entrada en funcionamento da Ponte Internaciona
l entre Salvaterra e Monçao, que uniu dúas localidades que dende hai séculos mantiñan unha estreita relación social e comercial. Durante o acto foron descubertos dous monolitos conmemorativos e a Ponte pasará a denominarse "Ponte Internacional Jo
âo Verde e Amador Saavedra" en homenaxe a dous escritores que plasmaron cos seus poemas o sentimento de unión entre os dous pobos
.
Escribe tu comentario