O aeroporto de Santiago suma xa trece meses seguidos de crecemento

O aeroporto de Santiago sumou en abril o seu decimotercer mes consecutivo de crecemento. En abril o aeroporto de Santiago moveu 196.481 pasaxeiros, cun crecemento do 2,5% respecto do mesmo mes do ano pasado. O conxunto dos aeroportos galegos tivo no pasado mes 332.598 pasaxeiros, cunha cuota de mercado do 59,07% para o aeroporto de Santiago, que consolida así a súa posición como aeroporto central e de referencia de Galicia.

Os datos de abril permitiron que o aeroporto de Santiago superase os 600.000 pasaxeiros no primeiro cuatrimeste do ano, un crecemento do 5,9% respecto do mesmo periodo do ano pasado. Tamén permitiron que o aeroporto comezase crecendo a temporada aérea de verán, adiantando os previsibles bos resultados que haberá nos vindeiros meses gracias ao aumento previsto de prazas, incluindo a implantación dunha nova base de Vueling.

No mes de abril houbo preto de 40.000 pasaxeiros nas conexións internacionais directas. No primeiro cuatrimestre a cifra supera xa os 100.000 pasaxeiros nestas conexións internacionais. O crecemento do tráfico internacional é un dos motivos polos que o aeroporto de Santiago está vivindo un novo periodo de crecemento no seu tráfico total de pasaxeiros.

O crecemento acumulado no primeiro cuatrimestre do ano, tanto de tráfico xeral como do tráfico internacional, vai na liña dos obxectivos municipais con respecto ao aeroporto de Santiago. O obxectivo xeral para este ano é superar con claridade os 2.100.000 pasaxeiros totais é superar por terceiro ano consecutivo o récord de pasaxeiros nas conexións internacionais, chegando por primeira vez ao medio millón.

Estas cifras poden conseguirse gracias a que este este ano será o de maior conectividade internacional na historia do aeroporto, con 18 rutas directas con mercados turísticos estratéxicos para a cidade, que serán operadas por seis compañías. Vueling: Roma, Düsseldorf, Munich, Berlín, París, Amsterdam, Bruxelas e Zurich. Easyjet: Roma, Londres, Xenebra e Basel. Ryanair: Londres, Frankfurt, Milán. Aer Lingus: Dublín. Turkish Airlines: Estambul. Swiss: Zurich.