As cidades do Eixo Atlántico mostran o seu potencial na feira Expocidades, en Viana do Castelo
A exposición, que estará situada en pleno centro da cidade, celebrarase do 19 ao 21 de xuño
Unha ampla representación das cidades galegas e portuguesas integradas no Eixo Atlántico mostrarán o potencial do turismo de proximidade na terceira edición da "Mostra de Turismo dás Cidades do Eixo Atlântico, Expocidades" que se celebrará en Viana do Castelo do 19 ao 21 de xuño, próximos.
Un total de 32 expositores, degustacións gastronómicas, música en vivo e talleres de artesáns darán vida a esta mostra turística das cidades do Eixo Atlántico, unha oferta enfocada ao turismo de proximidade dada a relativa distancia que existe entre as urbes galegas e portuguesas e a variedade de ofertas turísticas ao visitante.
Expocidades será o maior escaparate do potencial turístico das cidades que integran o Eixo Atlántico. Creada hai máis de 20 anos, a entidade transfronteiriza é unha das principais referencias do que acontece na Eurorrexión Galicia Norte de Portugal, que agrupa ás 38 principais cidades e entidades de Galicia e do Norte de Portugal, metade galegas e metade portuguesas.
A exposición estará situada en pleno centro da cidade, no Centro Cultural de Viana do Castelo. Paralelamente ao desenvolvemento da feira terán lugar outras actividades como degustacións de produtos típicos das cidades (doces, pan, viños, conservas...), actuacións musicais e teatrais, a exposición de aves do zoológico de Maia durante unha das xornadas, proxección de vídeos documentais das cidades e encontros turísticos entre profesionais do sector.
Nesta terceira edición, despois de pasar a pasada edición por Pontevedra cidade na que se organizou, máis de 10.000 persoas, e espérase que este a cifra sexa moi superior xa que coincide coa celebración en Viana do Castelo da súa Feira Medieval.
Durante os días 19, 20 e 21 os visitantes poderán non só coñecer os grandes tesouros das cidades presentes senón gozar de numerosas degustacións gastronómicas, actuacións de música e talleres de artesáns, entre outras actividades.
O escenario onde se organiza, o Centro Cultural, é unha das edificacións máis emblemáticas do municipio, obra de Souto de Moura, que se encontra no paseo fluvial, deseñado por Álvaro Siza, ambos os dous galardoados nos premios Pritzker, considerados os novel da Arquitectura.
Inauguración da Praza Eixo Atlántico
Escribe tu comentario