CUMIO IBERICO

O Cumio hispano – luso, unha “comedia de enganos” baleira de contido

|

A portavoz de Política Exterior do Grupo Socialista, Noela Blanco, cualificou hoxe o cumio hispano – luso de Baiona de “comedia de enganos” protagonizada por Rajoy e Passos Coelho. Advertiu que o certame supuxo un “calco” do cumio do ano pasado sen medidas concretas par aumentar a redistribución da riqueza e reducir as desigualdades socioeconómicas.


Criticou a falla de propostas para eliminar barreiras e aumentar a homoxeneización do mercado ibérico, así como a mobilidade de cidadáns, traballadores e empresas a ambos lados da fronteira. Os dous mandatarios tampouco foron quén de presentar hoxe iniciativas conxuntas no campo da innovación, o desenvolvemento tecnolóxico ou a protección do medio natural.


Un encontro, engadiu, baleiro de contido para unha eurorrexión que polo desleixo dos gobernos veciños viu cómo nos últimos anos aumentaba o desemprego entre o 60 e o cen por cen en toda a raia, situando ao Norte de Portugal como a segunda rexión con mais desemprego do país veciño.


Os socialistas galegos, lembrou Blanco, “reclamamos tamén a posta en marcha dun fondo de desenvolvemento para a rexión transfronteiriza Galicia – Norte de Portugal, dirixido á inversión en ambos países e á creación de emprego”.


Lamentou as “técnicas ocultistas” impostas polo goberno galego, que hai escasas semanas “presumía” dun suposto documento coas prioridades da política galega para a cooperación transfronteiriza co Norte de Portugal que aparentemente ía ser tratado no cumio de hoxe. Un documento supostamente elaborado sen contar cos grupos políticos e á marxe dos axentes sociais, económicos e culturais de Galicia.


Dito documento brillou pola súa ausencia e “literalmente desapareceu do encontro de hoxe”, e que culmina o “despropósito” dun goberno “encantado co seu dobre e contraditorio papel de anfitrión e convidado de pedra” no encontro.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress