SANTIAGO DE COMPOSTELA

Novo revés xudicial para o xuíz Taín

|

A sección 6 da Audiencia Provincial da Coruña puxo fin á causa contra varios activistas do movemento de defensa dos animais na que o anterior xuíz titular do Xulgado de Instrución Nº 2 de Santiago de Compostela, José Antonio Vázquez Taín, chegara a imputar a 25 persoas de varios delitos relacionados coas soltas de visóns producidas en Galicia entre os anos 2007 e 2010.


Segundo informan os animalistas, o auto da Audiencia Provincial con data do 15 de xuño conclúe que “non se acreditou a participación de ningún dos imputados, nin da organización á que se refire o recorrente, na comisión dalgún acto delituoso concreto". De feito, estes actividas denuncian que este xuíz foi premiado o pasado 5 de xuño polos cazadores co "Coello de Ouro" no congreso de caza que se celebrou en Azucareras de Portas.


"O proceso estivo infestado de irregularidades desde a mesma mañá en que fomos arrestados e na que o xuíz instrutor xa estaba a facer declaracións á prensa afirmando que eramos culpables, vulnerando claramente a nosa presunción de inocencia e mostrando a súa parcialidad”, apuntou Javier Moreno, cofundador de Igualdade Animal, un dos activistas que foi arrestado.


Fai catro anos desde que, o 22 de xuño de 2011, doce activistas do movemento de defensa dos animais foron detidos dentro dun operativo policial contra este movemento sen precedentes en España. Dita actuación formaba parte da denominada "Operación Trócola", iniciada en 2007 polo xuíz instrutor José Antonio Vázquez Taín, posteriormente substituído polo xuíz Margarita Guillén Vázquez.


Ademais de ordenar a detención dos activistas, incluíndo entre eles aos fundadores de lgualdad Animal e a membros da dirección de Equanimal, así como a colaboradores de ambas as organizacións, imputoulles unha serie de delitos; descubrimento e revelación de segredos, violación de domicilio de persoa xurídica, danos, danos á flora e fauna, asociación ilícita. O xuíz tamén ordenou a intervención e escoita das súas conversacións telefónicas, a entrada e rexistro nos seus domicilios e a incautación dos seus equipos de traballo (computadores, cámaras, discos duros e outros efectos).


Dous días despois das detencións o xuíz decretou o ingreso en prisión provisional de tres dos activistas detidos, a quen a Audiencia Provincial, revogando a orde do xuíz instrutor, puxo logo en liberdade. Tras máis de dous anos de instrución e ante a aparente dificultade para obter evidencias que apoiasen unha acusación, o xuíz imputou a 13 persoas máis, “incluíndo nesta ocasión á nai dun dos detidos, unha muller de 63 anos sen ningunha vinculación co movemento animalista”, apuntan este. Deste xeito, a causa sumou un total de 25 persoas imputadas nesta causa.


“A pesar das imputacións e as extensas medidas de vixilancia empregadas pola Garda Civil, non se atopou ningunha evidencia que relacione aos activistas cos feitos dos que se lles acusaba, tal e como o auto da Audiencia Provincial”, indican. Este autor recolle que “a intervención de conversacións telefónicas dos imputados e as entradas e rexistros nos seus domicilios non proporcionou, en contra do esperado por quen solicitaron e acordaron esas dilixencias, ningún dato que relacione a algún dos imputados coas soltas de visóns obxecto da investigación".


O propio fiscal encargado do caso solicitou o arquivo do mesmo dada a ausencia de evidencias. A xuíz de instrución Margarita Guillén Vázquez, facendo seus os argumentos do fiscal, ditou un auto de arquivo contra o que a Asociación Nacional de Produtores de Visón, personados como acusación particular na causa, presentou recurso de apelación.


Os maxistrados da Audiencia Provincial coincidiron en pór fin a esta causa desestimando o recurso presentado polos peleteiros, e en recoñecer que o labor de investigación desenvolvida polas organizacións Igualdade Animal e Equanimal constitúe ademais “formas de activismo en defensa dos animais”. Nesta liña, o auto afirma que estas organizacións levan a cabo: "actividades lícitas dentro do ámbito dunha organización dedicada á defensa dos animais, defensa que permite actuacións críticas que non son constitutivas de infracción penal" e engade "ningún deses actos 8visita e avistamento de granxas) pódense vincular coa solta de animais obxecto da investigación."


Segundo Olaia Freiría, directora de Equanimal, "os intentos por parte destas industrias de criminalizar ao movemento animalista son globais. Hai uns anos tivo lugar un caso similar en Austria no que ao final os animalistas foron absoltos tras demostrar a súa inocencia. Lamentablemente témome que volverá ocorrer noutros países pero polo menos esta resolución é un precedente que reforza e lexitima o traballo de investigación tan necesario que facemos".


As dúas organizacións implicadas neste caso, Igualdade Animal e Equanimal, decidiron unir forzas en novembro de 2012 para defender aos animais. Igualdade Animal é unha organización internacional de defensa dos animais presente en España, Inglaterra, Italia, Estados Unidos, México, Alemaña, Venezuela e India que conta con máis dun millón e medio de simpatizantes e que traballa a través da sensibilización, concienciación e investigación co obxectivo de promover cambios na sociedade e nas leis que sexan favorables aos animais.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress