O Cuponazo do ONCE deixa en Nigrán 100.000 euros

O Cuponazo do ONCE deixou en Nigrán (Pontevedra) un total de 100.000 euros, un dos nove premios adicionais do sorteo do pasado venres, día 28 de agosto. O axente vendedor da ONCE Marcos Troncoso Campo foi quen vendeu o cupón premiado cos 100.000 euros. A eles, hai que sumar outros nove máis, premiados con 600 euros cada un. En total, repartiu 105.400 euros.

Marcos Troncoso vende os produtos de xogo da ONCE na ruta das parroquias de Nigrán -Panxón, Priegue, Camos e Chan de Brito-, onde levou a sorte da ONCE.

O Cuponazo da ONCE, na súa modalidade simple, ofrece os venres por tres euros un premio maior de 9 millóns de euros; nove segundos premios de 100.000 euros, e 134 premios de 30.000 euros ás cinco cifras do primeiro premio.

Na súa modalidade XL (catro euros), o premio maior é de 12 millóns de euros, os nove segundos premios están agraciados con 150.000 euros, e hai 134 premios de 40.000 euros ás cinco cifras do primeiro premio.

Na súa categoría XXL (cinco euros), o premio maior é de 15 millóns de euros, obtendo 200.000 euros os nove segundos premios, e 134 premios de 45.000 euros ás cinco cifras do primeiro premio.