Escomeza a perforación da segunda vía do túnel de Bolaños, en Ourense, para conectar Galicia e Madrid por AVE

 ADIF inicia a perforación da vía esquerda do túnel de Bolaños, situado entre os concellos de Vilariño de Conso e Castrelo do Val (Ourense), dentro das obras de conexión de Galicia e Madrid por AVE.

Diso informou o Ministerio de Fomento a través dun comunicado, no que sinalou que a vía dereita deste túnel, que suma 6.769 metros de lonxitude, xa foi construída.

O tramo actualmente en construción (Olmedo-Ourense) conta con 324 quilómetros de lonxitude e dará continuidade aos tramos xa en servizo: Madrid-Olmedo (138 quilómetros) e Ourense-Santiago-A Coruña (149 quilómetros).