O 'Gordo' deixa máis de 13 millóns en Lugo, A Coruña e Pontevedra

Galicia recibiu gran parte do "Gordo" do Sorteo Extraordinario de "El Niño", que recaeu no número 22.654. En concreto, deixou máis de 13 millóns de euros nas localidades lucenses de San Clodio e Quiroga, no Carrefour de A Coruña e en Pontecesures. 

Cristina, unha das traballadoras da administración mixta de San Clodio, destacou que alí se venderon 65 décimos deste primeiro premio "moi repartido" entre os veciños da localidade. Asegurou que os veciños estaban "encantados e contentísimos", e que moitos xa se pasaron polo bar para celebrar a chegada da sorte a San Clodio. 

Outro décimo do primeiro premio tamén foi vendido en Quiroga, a través da máquina dunha administración mixta. Unha traballadora, Ana, agradecía que a xornada deixe "algo de sorte" na localidade, donde levan traballando 12 anos e donde o ano pasado xa caeu un cuarto premio de Lotería. 

Na administración nº1 de Pontecesures tamén se vendeu o "Gordo", aínda que polo de agora descoñecen a cantidade de décimos. Trátase dun negocio familiar, que se extende xa durante 33 anos. Un dos traballadores afirmou que son "unha familia grande, 12 irmáns, e a todos nos alegra". Asegura que se trata dun bonito homenaxe á memoria do seu pai, recentemente falecido, dado que o 22 era o seu número favorito. 

No resto de España, caeu en Roquetas de Mar (Almería); Jerez de la Frontera, Conil de la Frontera, Xixón e Bilbao, entre outras localidades. Pola súa banda, o 60.755 foi agraciado co segundo premio, dotado de 750.000 euros por serie e que foi vendido na Administración número 1 de Madrid. O terceiro premio foi para o número 95.395 , dotado de 250.000 euros por serie, e vendido na localidade de Gardo (Palencia).