NA CIDADE DA CULTURA ATA O 4 DE MARZO DE 2016

'Emigrantes: terras, xentes, emocións', o arquivo de Galicia achégase á emigración galega

|

El secretario xeral de Emigración, Antonio Rodríguez Miranda, el secretario xeral de Cultura, Anxo Lorenzo y la subdirectora general de Archivos, Marina García Pita, en la inaguración en la Ciudad de la Cutura de Santiago 



A nova exposición do Arquivo de Galicia leva por título 'Emigrantes: terras, xentes, emocións'. Trátase dunha viaxe a través de 45 documentos sobre o fenómeno da emigración, que comprenden dende o século XVII ata o XX, e que permanecerá na Cidade da Cultura ata o vindeiro 4 de marzo. 


A selección que conforma a mostra fai referencia a ámbitos diversos, con información relativa aos transportes, de carácter bancario ou mesmo médico, que reflicten diferentes aspectos da emigración en distintos momentos históricos.


Nela inclúense, entre outros, documentos como a información facilitada por un mourisco arredor do ano 1600 para acreditar a súa “limpeza de sangue”, un memorial do marqués de Bosqueflorido, deputado xeral do Reino de Galicia, no que se relata a emigración de galegos a Portugal no século XVIII; letras de cambio expedidas en Buenos Aires en 1904, a pagar en Ribadeo pola Casa de Comercio e Banca Bengoechea; un cartel de 1911 anunciador do servizo regular de vapores da compañía inglesa Mac Andrews e da súa filial en Barcelona; a historia clínica dunha muller retornada da Habana en 1936, procedente do Hospital Psiquiátrico de Conxo; e cartas escritas desde México ou Arxentina dando noticias de interese particular, pero tamén de acontecementos e situacións de interese xeral.


O secretario xeral de Emigración, Antonio Rodríguez Miranda, asegurou que se trata de ofrecer a cidadanía “un percorrido pola historia do fenómeno migratorio en primeira persoa: coas voces e vidas dos propios protagonistas dese fenómeno".


Pola súa parte, o secretario xeral de Cultura, Anxo Lorenzo, incidiu na “relevancia que adquiren para o estudo e investigación da emigración galega as fontes documentais que custodian os nosos arquivos” lamentando que, “malia a súa importancia social, os arquivos continúan sendo hoxe un ámbito descoñecido para boa parte da cidadanía”.


Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress