Ryanair amplía a súa conexión Santiago-Milán

Ryanair ampliará a súa ruta entre Santiago e Milán, ofrecendo voos directos durante todo o ano. Durante os últimos anos a conexión coa cidade italiana tan só funcionaba entre os meses de Marzo e Outubro, pero a compañía irlandesa acaba de comunicar a súa decisión de mantela durante o resto dos meses do ano. 

Trátase da primeira consecuencia clara do nomeamento do aeroporto de Lavacolla como base de operacións permanente da compañía irlandesa, que se fará efectivo o vindeiro 27 de Marzo. 

Os voos entre Santiago e Milán terán capacidade para 180 pasaxeiros e serán operados por un Boeing 737-800. A conexión terá dúas frecuencias semanais, voando en mércores e domingo. 

Os voos sairán de Lavacolla ás 16:10 para chegar a Milán Bergamo ás 18:50, en sentido inverso sairán de Italia ás 19:15 para chegar a Santiago ás 22:00