Novo caso de violencia machista en Becerreá

Unha muller de 40 anos de idade perdeu a vida este xoves na localidade lucense de Becerreá, despois de recibir un tiro de escopeta presuntamente efectuado pola súa parella. 

O presunto autor do crime, un varón de 29 anos, foi detido polos axentes da Garda Civil no propio lugar dos feitos, no lugar de Herbón na parroquia de Tortes. 

Os feitos sucederon en torno ás seis da tarde, pero o home xa foi trasladado ata o cuartel da Garda Civil.