#Claves de la semana

O ensino galego únese para revertir a "desigualdade e exclusión" da LOMCE

Asociacións de pais e nais, sindicatos e estudantes consiguen o compromiso de toda a oposición para paralizar e revocar a implantación da LOMCE en Galicia na próxima lexislatura


|



Dende a Plataforma en Defensa do Ensino Público ven cada vez máis difícil revertir no que resta de lexislatura a "desigualdade e exclusión" que segundo eles trouxo consigo o despregue normativo da LOMCE en Galicia. Pero neste ano electoral no que nos atopamos comezan a poñer as súas esperanzas nas eleccións autonómicas, sobretodo despois de obter o compromiso de todos os grupos da oposición de tratar de paralizar e revertir o despregue da Lei de Educación no primeiro período de sesións tralas eleccións autonómicas. 


Entre os compromisos contraídos polo PSdeG, BNG, AGE e Grupo Mixto están o de abordar a "gratuidade dos libros de texto", a "eliminación" dos concertos para os colexios que segregan por sexo, a recuperación dos cadros de persoal "destruídos nos últimos anos", o fin do "desmantelamento educativo do medio rural" e a eliminación de reválidas. Tamén se comprometen a intentar volver a consenso no modelo lingüistico, que segundo denuncia a plataforma do ensino foi rachado "coa entrada en vigor do Decreto de Plurilingüismo".


En xeral, os grupos parlamentarios da oposición comprométense a paralizar e revertir a normativa que desenvolve a LOMCE aprobada polo Partido Popular en Madrid, dentro das competencias que lle permite o autogoberno.


Para o voceiro de AGE, Ramón Vázquez, estamos ante un momento trascendental, xa que se presenta a posibilidade "dunha unidade de acción política na defensa do ensino público" que evidencia " a inmensa soedade do PP". Na mesma línea, o representante de educación do PSdeG, Vicente do Casar, incidiu na "amplo representación" de detractores que conseguiu a LOMCE no ensino público, unindo a "sindicatos de ensino, ANPAS, estudantes..."


Pola súa banda o representante do BNG, Cosme Pombo, cargou contra o modelo de "ensino neoliberal que presenta a LOMCE", denunciando ademais unha destrucción de emprego durante o goberno de Alberto Núñez Feijóo. Pombo asegura que durante estes anos se xubilaron "4000 ensinantes" e que na nova oferta de emprego público deste ano tan só se van repor 2000. 


Os colectivos do ensino recoñecen que non lle plantexaron a firma deste compromiso ao PPdeG, consideran que "non tería moito sentido presentarlles algo que vai en contra da súa ideoloxía" xa que "obviamente "ían estar en contra". 



relacionada La Plataforma Galega en Defensa do Ensino denuncia masificación en algunas aulas gallegas
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE