Peinador consolida o seu crecemento

O aeroporto de Vigo consolida o seu elevado crecemento en 2016. Tras converterse no aeroporto español co maior crecemento porcentual de xaneiro, Peinador anótase un meritorio segundo posto en febreiro, medrando nun 36,9% con respecto ao mesmo mes de 2015 e acadando os 61.208 pasaxeiros. 

En Santiago, o aeroporto de Lavacolla non se queda moi atrás no que a crecemento respecta. A terminal da capital de Galicia aumento nun 27,2% o seu número de usuarios en febreiro, chegando ata os 152.842. 

A única nota negativa dos rexistros vén da Coruña, onde Alvedro retrocedeu nun 0,9% neste mes de febreiro, quedándose nos 73.096. 

En conxunto, nos dous primeiros meses do ano pasaron polos tres aeroportos galegos máis de 570.000 pasaxeiros, sumando un incremento de máis de 90.000 usuarios con respecto ao mesmo período de 2015.