A oposición galega únese contra a "aberración" do trato aos inmigrantes

|



polémico acordo entre a UE e Turquía para devolver os inmigrantes que pasen de Turquía a Grecia espertou o rexeitamento unánime de todos os grupos políticos da oposición en Galicia (PSdeG, BNG, AGE e Grupo Mixto), que se uniron para pedir unha reunión urxente da Comisión para Asuntos Europeos do Parlamento galego para deixar clara a postura de Galicia neste asunto. 


A deputada socialista Carmen Acuña explicou que intentarán que o Parlamento adopte unha posición contraria ao acordo, solicitando oficalmente que se deteña a "aberración" que se vai a cometer no trato de refuxiados, aos que habería que "axudar" e non tratalos "como parias", enviándoos "a unha morte máis que segura e un país en guerra".


Xabier Ron (AGE) tamén advertiu contra "unha das canalladas máis grandes que pode perpetrar a UE". "Estamos ante unha Europa fortaleza que bunkeriza de forma absoluta a entrada e vulnera o dereito de asilo do refuxiado", remarcou.

Considera que Galicia non pode "permanecer impasible", polo que a oposición quere saber "que fai Galicia en Europa e no Estado, como se sitúa ante esta maiúscula vulneración de dereitos humanos".


Para Tereixa Paz o que ocorre en Europa "é unha auténtica vergoña" e "unha infamia que pon ao descuberto a verdadeira cara dunha UE" que se busca "vender" como "unha Europa social e democrática". Sostén que o pobo galego ten que manifestar a súa opinión "a través dos seus representantes" e advertiu que os nacionalistas non están dispostos a aceptar que leve a cabo o acordo con Turquía para deportar refuxiados "en nome" dos galegos nin cos seus "recursos".


Por último, Chelo Martínez (Grupo Mixto) cargou contra "as políticas de levantar muros e fronteiras" para que os refuxiados non poidan acceder a Europa "a cambio de pagar diñeiro a países con bastantes carencias democráticas e de seguridade de aplicación dos dereitos humanos", como pode ser Turquía.


O PP ANALIZARÁ A CUESTIÓN


O voceiro do PPdG, Pedro Puy, xa contestou sinalando que os populares analizarán esta iniciativa unha vez que sexa cualificada, apelando á necesidade de acadar "unha solución europea" que garantice "o dereito de asilo" e faga fronte a esta crise "dunha forma compatible aos principios humanitarios". 



"O PP entende que este é un problema de índole europea e de dimensións importantes. Hai que conseguir entre todos que acabe este proceso polo que a xente se xoga a vida e morre", resolveu.




relacionada La UE devolverá a Turquía a los inmigrantes que lleguen a Grecia
relacionada ¿Cómo es la isla de Lesbos?
relacionada Gracias por abandonarnos, Europa

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE