A Xunta amplía o seu programa de financiamento para pemes

O Goberno galego acaba de ampliar o seu programa de financiamento para pequenas e medianas empresas, coñecido como Galicia 1000, elevando o seu orzamento nun 10% ata os 100 millóns de euros co obxectivo de apoiar preto de 1500 proxectos galegos. 

"O que buscamos é que ningún proxecto quede sen apoio", defendeu o presidente autonómico, Alberto Núñez Feijóo, na rolda de prensa posterior ao Consello da Xunta, remarcando que o plan busca reforzar o tecido empresarial da comunidade. 

Asegura que a Xunta apostará polo investimento que permita medrar ás compañías, impulsando a súa capacidade innovadora,a súa internacionalización e a súa adaptación á industria 4.0. 

O programa non é novo, leva dous anos en vigor nos que segundo o goberno permitiu a posta en marcho de máis de 2000 proxectos, mobilizando 400 millóns de euros.