O conselleiro de Sanidade dará contas no parlamento dos tratamentos de hepatite C
Jesús Vázquez Almuíña comparecerá a petición propia para xustificar o procedemento polo que están investigados dous altos cargos do seu departamento
O conselleiro de Sanidade, Jesús Vázquez Almuiña, comparecerá a petición propia no pleno do Parlamento galego para informar sobre o proceso de autorización de tratamentos fronta á hepatite C, polo que están citados como investigados dous altos cargos do seu departamento.
A comparecencia será aceptada na Xunta de Portavoces que se celebra este mesmo martes na cámara autonómica, polo que debería poder celebrarse no vindeiro pleno.
No mesmo comunicado no que anuncia a petición de comparecencia, a Xunta indica que o Servizo Galego de Saúde sempre aplicou os protocolos farmacoterapéuticos que establece o Ministerio de Sanidade para o Sistema Nacional de Saúde, actuando, en todo momento, baixo o criterio clínico e garantindo a homoxeneidade e equidade no acceso aos novos tratamentos fronte á hepatite C.
Escribe tu comentario