O minuto iugoslavo

Manuel Fernando González Iglesias

Pois si, si que houbo minuto iugoslavo promovido por Compromís motivado, creo eu, porque se cheiran por anticipado un lio post-electoral de groso calibre na Comunidade Valenciana tras as eleccións de xuño. Un último intento ao que se sumou torpemente o PSOE, cuxos estrategos tiveron a histórica oportunidade de demostrarlle aos votantes que o da investidura errada de Sánchez non era para ser Presidente, senón para formar un goberno de consenso e que a diluíron noutro "si, quero ser presidente, con independentes ao meu lado", que deixa á candidatura sociata aos pés dos cabalos dos populares que a golpearán moi duro na xa iniciada campaña electoral, acusando ao seu líder de sacrificar calquera proposta de pacto que non inclúa a cadeira presidencial co seu nome escrito na cabeceira.


Tamén Ciudadanos sacará partido desta oferta envelenada, xa que ao dicir tan claro e tan rápido que non á oferta dos valencianos e menosprezar de forma contundente o que contestaron os socialistas, escenificou a ruptura do pacto a dous que xa lles queimaba nas mans agora que, como sinalabamos liñas arriba, iníciase a campaña electoral, onde conseguirán uns escanos que valerán ouro moído cando negocien co PP, cuxos medios afíns os machucaron de forma inmisericorde durante a última semana, algo que ten aos de Rivera pero que moi preocupados!.


Pablo Iglesias, pola súa banda, á súa: a esnaquizar o PSOE, deixándoo, se é posible, á altura do PASOC, aínda que sexa á conta de pisar ademais a dignidade das vítimas do terrorismo, branqueando a ETA e aos seus seguidores políticos, aos que Arnaldo Otegui reivindicou acordándose dos seus "presos políticos" nada menos que en Bruxelas, co apoio de Podemos e Esquerda Unida. Todo vale, con tal de sumar votos, incluídos varios miles da familia abertzale, e así tomar o poder, sexa como sexa. E se ademais o compañeiro Errejón queda polo camiño para facerlle sitio ao prometedor Garzón, pois... tamén.


E así se escribe a historia, con ringleiras torcidas e medias verdades que, por moito que se repitan, non deixarán de ser unha monumental mentira que uns políticos mediocres e arrogantes van levar ante os seus electores, sen que se lles caia a cara de vergoña, no vindeiro mes de xuño, e que todos teremos a oportunidade de votar, se non nos fomos antes a ver a algún dos nosos novos talentos no estranxeiro, dos que ultimamente ninguén fala, para preguntarlles se tamén hai un sitio para nós... os indignados.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Más opinión
Opinadores

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress