​O dispositivo anti incendios “non está preparado” para un verán como o de 2006

Cúmprense dez anos do fatídico verán de 2006 no que os incendios forestais arrasaron os montes galegos, e segundo denuncian os sindicatos Galicia non está preparada se se repite a situación.

A CIG, CCOO, UGT e CSIF denuncian de que o dispositivo non está en condicións de afrontar unha ola de incendios como a de aquel ano, por iso lle piden á Xunta que aumente o número de efectivos contraincendios ante unha “previsible campaña complicada”.

Aseguran que en lugar de "profesionalizar" un equipo "único e público", se ten optado por "empresas privadas, brigadas municipais, empresas semipúblicas, Protección Civil, militares, bombeiros...".

Por iso reclaman un retorno cara “un modelo público e profesional dos sistemas de extinción”, así como unha “suficiente e operativa dotación de medios”. Paralalemente, tamén fixeron un chamamento á cidadanía para que denuncie a actividade incendiaria.