​Os exdeputados de En Marea desviarán as súas indemnizacións cara os seus partidos

Os catro exdeputados galegos de En Marea cobraron as indemnizacións ás que tiñan dereito trala lexislatura máis curta da democracia, duns 8.200 euros, á que en Galicia tan só renunciou podendo cobrar a socialista Dolores Galovart.

Pero aseguran que esta cantidade será desviada na súa maior parte cara as súas organizacións políticas, de forma que individualmente percibirán unha parte equivalente a tres veces o salario mínimo interprofesional, uns 2.000 euros. A única excepción será a do ourensán David Bruzos, que preferiu donar a súa indemnización a ONGs e colectivos sociais.

Esa foi a explicación da exdeputada e candidata á reelección Alexandra Fernández, que asegura que con este desvío de fondos En Marea mantén o seu compromiso de que os cargos públicos "ten que dar exemplo" porque "a xente está pasándoo mal".

Pero non ten conseguido acalar as críticas, os demais partidos repróchanlle que seguen cobrando as indemnizacións independientemente de a qué as destinen, recordando que anteriormente ten criticado este tipo de cobros.