​Os traballadores de Ambunova sofren "atrasos reiterados" nas súas nóminas

|

AmbulanciaO sindicato nacionalista CIG denuncia "reiterados atrasos" no pago das nóminas dos traballadores de Ambunova, empresa adxudicataria do transporte de pacientes de diálise, radioterapia e traslados interhospitalarios entre o Hospital do Barbanza e o Clínico de Santiago.


Ademais, a CIG alertou ante a "situación de incerteza" na que se atopan os traballadores de Ambunova logo de coñecer que "a empresa foi excluída dun concurso por unha débeda coa Seguridade Social".


"A empresa foi inmediatamente excluída dun novo concurso porque unha das premisas é que as empresas non teñan débedas coa Administración e ao comprobar a documentación sóubose que pesaba sobre ela un embargo da Seguridade Social", engadiu.


Con todo, a central nacionalista lembra que Ambunova se presenta en UTE xunto con outras dúas empresas que non teñen débedas, polo que foron admitidas noutros concursos en Ferrol, Vigo e Pontevedra.


Deste xeito, os traballadores reclamaron á Xunta que actúe e esixa a Ambunova que faga fronte aos seus "compromisos laborais", xa que, o pasado martes, comunicaron aos seus empregados que "non podían confirmar cando se efectuaría o pago" da nómina do mes de xuño.


Por último, a CIG engadiu que os atrasos nas nóminas son "reiterados" e que coñeceu a través doutros provedores da empresa que Ambunova "tiña as contas embargadas" e que non efectuaron o pago a estes "ata que foron desbloqueadas".

relacionada ​Os traballadores das ambulancias esixen na rúa a regularización do sector
relacionada ​Convocan unha folga ante os "incumprimentos" de Ambuibérica

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress