#Claves de la semana

​Cuíña non teme polo seu goberno

O alcalde de Lalín confía "na palabra" do edil que abandona o seu grupo municipal, pois trasladou a súa disposición a non "prexudicar a continuidade" do Executivo local.


|

Lalinrafacuia


O alcalde de Lalín, Rafael Cuiña, mostrou a súa "tranquilidade" tras o paso ao grupo de non adscritos do edil de Compromiso por Lalín (CxL), Juan José Cruz, que deixa a coalición de goberno -formada por CxL, PSdeG e Agrupación de electores Plataforma Aberta Cidadá (APAC)- coa mesma representación que o único grupo da oposición, o PP, que ten dez.


Rafael Cuiña asegura que non ve perigar o goberno do que está á fronte porque "confía na palabra" de Cruz, que manifestou a través dun comunicado o seu "compromiso" a que o actual goberno se amnteña ata o final do mandanto, e pola existencia do "pacto 'antitransfuguismo'".


O edil de Lecer, Xuventude, Mercados, Feiras e Relacións Veciñais, Juan José Cruz, abandonou este venres o Goberno municipal de Lalín para pasar ao grupo de non adscritos para, segundo manifestou, ter "maior autonomía" e porque non estaba contento coa atención prestada pola alcaldía á área da que era responsable.


Así mesmo, sinalou que, a pesar de abandonar o grupo de Compromiso por Lalín, continúa "a disposición" do Goberno municipal co que está disposto a "colaborar de forma coordinada".


"Para evitar calquera lectura errónea, malintencionada ou interesada sobre os motivos ou finalidades desta decisión, quero reiterar de forma clara e contundente que non está no meu ánimo de ningunha maneira prexudicar a continuidade do Goberno municipal de Lalín", indicou Cruz nunha nota de prensa.


CUIÑA NON VE A MAN DA OPOSICIÓN DETRÁS


O rexedor lalinés declarou que "lle consta" que detrás do abandono de Crespo non está a man da oposición, personificada polo PP, que queda agora en igualdade de edís que os grupos de goberno.


Cuiña apuntou que "non lle gusta" a situación na que queda o Goberno municipal, aínda que mostrou o seu respecto pola decisión do edil, que, segundo o rexedor, non está motivada por "cuestións persoais" senón porque a alcaldía está "máis centrada" noutras áreas como o desenvolvemento do rural.

relacionada ​Cuíña pierde la mayoría en Lalín
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE