Esta tarde coñeceranse as listas de En Marea para o 25S
Os resultados provisionais faranse públicos hoxe, a partir das 19.00h. Abrirase entón un prazo de reclamacións e o sábado 20 de agosto daranse a coñecer as candidaturas definitivas.
Ás sete desta tarde daranse a coñecer os resultados das votacións das primarias de En Marea, que deron o pistoletazo de saída o pasado mércores e finalizaron onte, xoves, ás 23:59. En total preséntáronse 25 listas, agrupadas en 16 candidaturas que recollen as distintas sensibilidades de En Marea.
Contigo Podemos e En Confluencia Podemos son as dúas apostas do partido de Pablo Iglesias. Esquerda Unida concorre coa Marea do Pobo e con Somos Marea. Anova impulsa Unha Marea para un País e Somos Quen, liderada polo alcalde de Manzaneda.
Dende a web de En Marea informan de que ás 9,00 horas deste venres daba comezo o reconto dos votos, e que os resultados provisionais serán públicos a partir das 19,00 do serán. Os resultados definitivos, tras o prazo de reclamacións, faranse públicos este sábado, 20 de agosto.
Os dirixentes madrileños de Podemos iniciaron unha intensa campaña a través de Twitter, na que animaban ós inscritos a votar para “cambiar Galicia”.
Consolida la confluencia en clave plurinacional para ganar Galicia. Vota en https://t.co/RBoD130Hps #MareaMorada18A🌊https://t.co/TDnaGALQLu
— Íñigo Errejón (@ierrejon) 18 de agosto de 2016
Estas primarias servirán para configurar as listas provinciais e para ratificar o xuíz lugués Luís Villares como candidato de En Marea á presidencia da Xunta.
23.000 PERSOAS
No proceso de primarias de En Marea, tras a integración con Podemos, poderían votar potencialmente, ao redor de 23.000 persoas: 14.000 de Podemos e máis de 8.800 de En Marea. O secretario de organización de Podemos, Pablo Echenique, anunciaba hoxe de madrugada que segundo as súas contas, case 5.000 inscritos de Podemos votaran nas primarias de En Marea.
Según mis datos, casi 5000 inscritos/as de @ahorapodemos han votado en las primarias de @En_Marea. Mañana conoceremos los resultados. :)
— Pablo Echenique (@pnique) 18 de agosto de 2016
SEGURIDADE NAS VOTACIÓNS
A coordinadora de En Marea defendeu onte que o proceso conta "coas máximas garantías", tras queixas pola posibilidade de votar dúas veces de quen está inscritos en ambas as listas, aínda que o partido asegurou que xa o mércores que existía control sobre eses feitos.
Escribe tu comentario