Villares propón unha repartición de cotas para o cerco que conte coa "opinión do sector"

|

Villarescuotasmarisqueo


O candidato de En Marea á Presidencia da Xunta, Luís Villares, propuxo unha repartición de cotas para o cerco "que non estea absolutamente mercantilizado ao redor da capacidade produtiva" e que teña en conta a opinión de "todo o sector".


Así o indicou durante un paseo polo porto de Ribeira (A Coruña), na primeira das súas visitas a diferentes puntos da comarca do Barbanza que o candidato de En Marea realizou este venres para "coñecer os problemas da xente do mar, do cerco, da acuicultura, do marisqueo".


Villares acusou ao presidente galego e candidato do PPdeG, Alberto Núñez Feijóo, de actuar como unha "lura" que "verte tinta" sobre o sector pesqueiro para "que a xente non saiba realmente cales son os problemas e que é o que quere facer con Galicia".


Así mesmo, cualificou de "totalmente nefasta" a lei de acuicultura que "tentou impoñer" durante a última lexislatura o Executivo galego e que "afortunadamente hoxe está morta e enterrada pola mobilización de toda a xente do sector", celebrou.


Neste sentido, asegurou que En Marea propón "unha situación alternativa" para lexislar a acuicultura en Galicia "en base a criterios científicos, buscando o "acordo coa xente do sector" que debe achegar "a súa experiencia de xestión".


O CERCO


Villares tamén se referiu ao sector do cerco, do que comentou que En Marea tratará de alcanzar unha "repartición de cotas mellor, que non estea absolutamente mercantilizado ao redor da capacidade produtiva".


Así, cre que a repartición en base ás capturas históricas "era insuficiente, non era adecuado", xa que "sería penalizada" a xente que optou "por unha serie de paróns para facer máis sustentable o sector".


Por tanto, o candidato de En Marea aposta por unha nova normativa para o cerco "que teña en conta todo o sector, a produción de emprego e a existencia de moitas empresas que dependen da viabilidade da repartición de cotas".



relacionada ​A frota do cerco ameaza con protestas contra a repartición de anchoa
relacionada ​Os mariñeiros do cerco acordan 6 meses de prisión coa Fiscalía
relacionada El cerco vuelve a movilizarse por un reparto "justo" de cuotas

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress