O paro é o principal problema para un 61,5% dos galegos

|

Empleogalicia


O 61,5 por cento dos galegos considera o paro o principal problema da Comunidade, mentres que o 10,3% considérao o segundo problema en importancia. A sanidade é o problema máis grave en importancia para o 5,6% e o segundo en opinión do 11,7 por cento.


Para o 2,6% dos enquisados, o principal reto que perciben en Galicia son os problemas económicos, mentres que o 2,4% pensa que os políticos e a política en xeral é o tema máis preocupante. 


Así se desprende da enquisa difundida polo Centro de Investigacións Sociolóxicas (CIS) este xoves, a unhas horas de que arrinque a campaña electoral.


O 31,3 por cento dos enquisados cre que o PP é o partido que mellor pode resolver os problemas de Galicia, seguido de lonxe En Marea, que obtén a confianza do 12 por cento. O PSdeG obtén o respaldo do 8,2 por cento e o BNG, do 3,3 por cento, mentres que o 22,4 por cento considera que ningún.


ORGANIZACIÓN DO ESTADO


O 35,4 por cento dos enquisados aposta por un Estado con comunidades como o que existe na actualidade, mentres que a segunda fórmula preferida polos galegos é un Estado no que as comunidades teñan maior autonomía que agora.


Un Estado sen autonomías é a fórmula que querería o 12,3 por cento e un pouco máis, o 12,4 por cento, que tivesen menor autonomía que na actualidade. O 9,3 por cento aposta por un Estado no que se recoñeza ás comunidades a posibilidade de converterse en estados independentes.


Ademais, o 68,2 por cento sente tan español como galego, mentres que o 16,3 por cento considérase máis galego que español, fronte ao 4 por cento que se declara ao contrario. Unicamente español di sentirse o 5,6 por cento e unicamente galego, o 4,6 por cento dos enquisados.


O 44,7 POR CENTO, GALEGO COMO LINGUA MATERNA


O 18,5 por cento declárase de esquerdas, o 22,1 por cento, de centro, e o 10,8 por cento, de dereitas. O 7,4 por cento declárase no punto máximo de nacionalismo e o 24,5 por cento, nun punto intermedio.


Dos enquisados, o 30,7 por cento asegura que a súa lingua materna é o castelán e o 44,7 por cento, o galego. O 23,6 por cento declarou que ten a ambos os idiomas como maternos en igualdade. En todo caso, o 97,6 por cento entende o galego e o 84,4 di que o fala con fluidez.



relacionada A enquisa do CIS dálle unha nova maioría ao PPdeG
relacionada ​La Xunta celebra los datos de empleo que los sindicatos ven "maquillados"
relacionada ​El paro amenaza con volverse crónico

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress