#Claves de la semana

En Marea propón impulsar unha estratexia para frear os suicidios en Galicia

Villares sinala a necesidade de garantir a "asistencia universal" aos enfermos mentais, "os grandes desatendidos" desde inicio da crise. 


|

Villaresconxo


En Marea buscará impulsar, se chega á Xunta tras o 25 de setembro, a creación dun novo plan de saúde mental en Galicia, así como impulsar unha estratexia de atención ao suicidio para frear o "repunte" do número de casos, que sitúan á Comunidade galega "á cabeza" do Estado neste ámbito.


Así o trasladou este luns en Santiago de man do seu candidato á Presidencia da Xunta, Luís Villares, quen alertou ante a necesidade de garantir a "asistencia universal" aos pacientes afectados de problemas relacionados coa saúde mental, que foron "os grandes desatendidos" desde o inicio da crise económica.


Ante a porta do Hospital Psiquiátrico de Conxo, un "referente simbólico" e o único centro sanitario deste tipo que permanece aberto en Galicia, Villares prometeu a posta en marcha "dun programa específico" que atenda ás características de "cada área sanitaria", centrado especialmente na "Atención Primaria", xa que é o "primeiro chanzo" para a "detección e abordaxe" dos problemas de saúde mental.


Así mesmo, indicou que é preciso mellorar a "coordinación" para garantir a "protección á dignidade das persoas", prestando atención de forma específica aos problemas derivados da "violencia machista".


En canto aos pacientes con "trastorno mental grave", Villares manifestou a necesidade de que o coidado destas persoas "non recaia nas asociacións de familiares", así como o seu compromiso para "mellorar" as condicións de vida dos enfermos institucionalizados e crear unha unidade de "atención infanto-xuvenil no sur de Galicia".


ATENCIÓN AO SUICIDIO


O cabeza de cartel de En Marea, acompañado en Conxo pola número seis pola provincia da Coruña, Flora Miranda, e pola concelleira de Política Social en Santiago, Concha Fernández; tamén se comprometeu a desenvolver desde o Goberno autonómico un "plan galego de atención ao suicidio" ante o "repunte" dos casos en Galicia, comunidade que lidera o ránking deste índice no conxunto estatal.


En relación a isto, Fernández apuntou que Lugo é a provincia "con máis número de suicidios" de España, seguida da Coruña; un problema para o que "nunca se abordou unha estratexia" desde a Xunta como "reclama o Movemento Galego pola Saúde Mental".


Pola súa banda, Flora Miranda afeou a actitude do Goberno galego que "a última hora e nun alarde electoralista" comprometeuse a sacar adiante medidas relacionadas coa saúde mental. Así mesmo, avogou por apostar por unha "Atención Primaria digna" de forma "digna, accesible e resolutivo" fronte a unhas unidades "saturadas" que atenden ata "40 pacientes por xornada laboral".



relacionada Profesionales de salud mental reclaman a los políticos una "atención sanitaria social y digna"
relacionada ​O Sergas dá os primeiros pasos para deseñar o Plan de Prevención do Suicidio
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE