​Intentos para "recompoñer" o pacto de goberno en Ferrol

|

Ejecutivapsoecorua

Executiva provincial do PSOE da Coruña.

A executiva do PSOE na provincia da Coruña proponse "recompoñer" a situación do grupo municipal socialista en Ferrol, actualmente dividido entre afíns e críticos coa líder local, Beatriz Sestayo, para, a continuación, explorar se existen opcións de manter o pacto de goberno con Ferrol en Común.

Indicouno o secretario provincial, Julio Sacristán, nunha rolda de prensa celebrada tras a reunión da dirección socialista na provincia.

En concreto, explicou que se analizou a petición dunha das concelleiras críticas de que instancias superiores decidisen sobre a saída do goberno local despois de que o alcalde, Jorge Suárez, retirase as súas competencias a Sestayo.

Respecto diso, Sacristán censurou a actitude do rexedor por "incumprir" os acordos co PSOE. "Non estamos de acordo en absoluto coa decisión que tomou", abundou, antes de lembrar que, aínda que o alcalde asina o decreto en base ao pacto, é o propio PSOE quen decide as competencias dos seus concelleiros en base á repartición acordada.


ACORDOS COAS MAREAS

En canto aos acordos coas mareas, indicou que nalgúns concellos, como Sada, non hai "problemas", aínda que noutros lugares da provincia, como Ferrol ou A Coruña, si. É por iso que confirmou que haberá unha nova reunión para analizar como ha de ser a relación entre ambas as forzas.

Neste punto, sinalou que as directrices do PSOE pasan por facilitar gobernos de esquerdas alí onde sexa posible, pero advertiu de que esa actitude nalgúns casos supúxolle á súa formación ser "ninguneada" por eses partidos emerxentes.

Así é que, desde o seu punto de vista, débense "marcar unhas liñas comúns" aínda que despois se teñan en conta as "especificidades" locais de cada territorio.

Finalmente, negou, a preguntas dos xornalistas, que o escenario actual reforce a teoría do PP de que enfronte só hai caos e división. "Hai 50.000 lugares no mundo onde hai pactos, e non quere dicir que sexan malos. Hai pactos porque os cidadáns deciden que haxa maioría ou non", finalizou.

relacionada ​Jorge Suárez agarda que o PSOE siga no goberno de Ferrol
relacionada Sestayo: "Jorge Suárez fai da nova política a incitación ao transfuguismo"
relacionada ​El PSOE de A Coruña aboga por acabar con la "confrontación" con la Marea Atlántica

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress