Dúas socialistas galegas levan a Ferraz a 'revolución das rosas'

|

Revolucionrosasferraz


Centenares de simpatizantes e votantes do PSOE concentráronse fronte á sede do partido na rúa Ferraz de Madrid para protestar pola actual xestora do partido e pedir que o Comité Federal, que se celebrará este domingo, non vote a favor dunha abstención que facilite a investidura de Mariano Rajoy. Autodefínense como a 'revolución das rosas', unha revolución "pacífica" detrás da cal están dúas socialistas galegas: Sonia Pillado Rey, militante de Narón no PSdeG, e Aída Loira Fontela, de Fene pero militante en Pontevedra. 


Nesta protesta os simpatizantes e votantes do PSOE afirmaron que "non queren a Mariano Rajoy no Goberno" e explicaron que a concentración ten como obxectivo "facer forza" para que a xestora cambie de actitude, segundo explicou Aida Loira. 


Durante a protesta, exhibíronse pancartas con lemas como 'PSOE sen caciques', 'Non é Non', 'Baróns golpistas' ou 'Democracia no PSOE'.


Algúns dos asistentes depositaron rosas vermellas nas portas da sede da rúa Ferraz, que permaneceu semicortada e baixo a vixilancia de cinco furgóns da Policía Nacional.


PROMOVIDA POR DÚAS MILITANTES DO PSdeG


A orixe desta concentración, promovida Aida Loira e Sonia Pillado, militantes de Pontevedra, está nos acontecementos que tiveron lugar o pasado día 1 de outubro, cando Pedro Sánchez presentou a súa dimisión como secretario xeral ante o Comité Federal.


A petición do congreso extraordinario fundaméntase no artigo 34,2 dos estatutos do PSOE, que indica que o conclave extraordinario pode ser convocado "cando o pidan a metade máis un dos militantes", e púxose en circulación o domingo día 2. Na actualidade esta petición suma máis de 75.000 firmas fronte ás 94.000 necesarias.

relacionada El PSOE, a las puertas de su comité federal definitivo
relacionada ​Rivera é o dirixente máis valorado e Sánchez o menos
relacionada Toca absterse, si ou si

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress