​A Policía identifica os menores que participaron nunha pelexa en Lugo

|

Videomenorespelealugolvg


A Policía Nacional vén de identificar aos menores que participaron nunha pelexa na céntrica zona de Lugo de O Cantiño, e que foi difundida por redes sociais.


Así o confirmou o secretario en Galicia da Unión Federal de Policía, Miguel González, en relación a unha pelexa difundida a través da rede na que se vía a decenas de mozos que acirraban aos participantes.


Miguel González apuntou, ademais, que o número de policías no persoal é "limitado", para responder o Concello de Lugo que, a través do portavoz do goberno local, Miguel Fernández, pedía unha "maior implicación" da Policía Nacional para evitar estas situacións.


Así, a Unión Federal de Policía recalcou que o número de axentes na Comisaría de Lugo é "limitado", á vez que sinalaba que "cada un ten que asumir as súas competencias". "Non se pode dicir que a Policía Nacional non se implica e, a pesar da escaseza de axentes, estamos en todo momento á beira da cidadanía cando o necesita", manifestou.


Ademais, Miguel González sostén que "a Policía está na rúa sempre", para añador que "xa están os menores identificados". "Estamos a facer o noso traballo", proclamou.


"Oxalá tivésemos coñecemento das quedadas con anterioridade porque non se celebrarían", sinalou. "É moi frívolo dicir que a Policía Nacional se ten que implicar máis, cada un ten que asumir as súas competencias e, se cadra, no Concello teñen que implicarse noutras historias", concluíu.


CAMPAÑA


Pola súa banda, a alcaldesa de Lugo, Lara Méndez, anunciou este mércores que o Concello vai emprender "unha campaña de sensibilización" entre os mozos para que entendan que "este tipo de prácticas non é recomendable". "Nin son boas, nin podemos permitilo como sociedade", aseverou.


"É un acto illado, pero hai que concienciar aos mozos que este tipo de prácticas nin son boas, nin recomendables, nin as podemos permitir como sociedade", mantivo a rexedora. Con iso, a alcaldesa puxo de relevo que o Concello pretende "achegar" o seu "gran de area" a pesar de non ter "a competencia directa".

relacionada ​El Concello de Lugo pide "implicación" policial para frenar las peleas
relacionada ​A Policía trata de identificar os participantes na pelexa gravada en Lugo

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress