Pilar Cancela pensou dimitir para non se abster na investidura de Rajoy
Non seguiu os pasos de Pedro Sánchez por priorizar o "proxecto colectivo" sobre a súa convicción persoal.
A presidenta da xestora do PSdeG pediu esta mañá "desculpas a quen se sinta enganado ou decepcionado" coa abstención do PSOE na investidura de Rajoy. Pilar Cancela recoñeceu nunha entrevista na Radio Galega que meditou dimitir para non ter que acatar a decisión tomada no Comité Federal do partido, ao ser un posicionamento que non comparte.
Porén, non fixo o mesmo ca Pedro Sánchez por considerar que "cando un ten un cargo orgánico non encabeza un proxecto individual senón colectivo. No comité tomouse unha decisión e había que asumir o resultado". Recoñeceu que ela, que sancionou a "compañeiros por incumprir a disciplina de voto" no pasado, non podía agora rachar o acordado.
Ao respecto das sancións, defende que "hai que contextualizar as cousas, minimizar o máximo posible todo isto para non indicir na fractura".
No tocante so seu cargo na xestora do PSdeG, iso si, declarou que "non se me pasou pola cabeza" renunciar, tal e como pide o sector crítico. Para solucionar este enfrontamento en Galicia, a súa receita é a de "convocar primarias e congreso e cada quen que confronte o seu proxecto político e que a militancia decida".
Se Abel Caballero dará o paso para liderar unha desas candidaturas, di non sabelo, pero cre que segurá "tendo protagonismo", quizáis, apoiando a outra persoa.
Considera que a "falta de liderado e dun proxecto político" lle están pasando factura aos socialistas. Aos que non marcharon, "pediríalle que sigan aí, militando e crendo no partido".
Escribe tu comentario