​A chegada do AVE a Galicia mantense no 2018 pese ao "parón"

|

Averenfemovistar


O presidente da Xunta en funcións, Alberto Núñez Feijóo, subliñou que o "compromiso" de Adif é que o AVE chegue a Galicia en 2018 "con ou sen variante de Taboadela". De feito, pediu "non centrar" ese debate nese tramo porque "se entra pola variante de Taboadela ou pola vía actual é unha cuestión" que non supón "discutir se entra ou non" no prazo previsto.


Manifestouno, a preguntas dos medios sobre os prazos, despois de que o Ministerio de Medio Ambiente publicase este xoves no Boletín Oficial do Estado (BOE) o informe de impacto ambiental que permitirá a construción do último tramo da Alta Velocidade entre Taboadela e a estación de Ourense, pendente de licitar, na liña que une Galicia con Madrid.

Feijóo insistiu en que a el o que lle "interesa" e "preocupa" é que se cumpra o compromiso adquirido coa comunidade, antes de incidir en que non lle consta que este cambiase. Iso si, advertiu de que se o ministro do ramo entrante lle notificase que o AVE non chegará finalmente en 2018 el será "o primeiro" en trasladar esa información aos galegos.

"A min o que me preocupa é que o AVE chegue a Galicia no prazo pactado e non teño información de que non vaia a ser así; se a tivese, tería que comunicala", defendeu e insistiu en que Adif mantén o prazo de 2018 pese ao ano de "parón" obrigado por 11 meses de Goberno central "en funcións" e sen capacidade para adxudicar.

"ATRASO" POLA PLANIFICACIÓN INICIAL

Así as cousas, aínda que recoñeceu que na variante de Taboadela hai "un evidente" atraso desde o punto de vista da tramitación inicial, reafirmouse en que "o importante" é que o AVE chegue "á estación de Ourense-Empalme" en 2018 e se poida estar en Madrid "en tres horas".

"Non creo que debamos centrar o debate na variante de Taboadela. Hai variantes que son moi complexas e os seus prazos de execución son similares por moitas vontades políticas que haxa e aínda que exista un orzamento adecuado", argumentou.


relacionada ​La Alta Velocidad se frena por la situación política
relacionada O PPdeG ve "irrenunciable" o AVE a Galicia en 2018

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress
CLABE