O ​Popular mellora a súa proposta para o ERE pero sen chegar a un acordo cos sindicatos

|

EREPopularconcentracion


O Popular mellorou a súa proposta para realizar o axuste de persoal neste banco, no que en Galicia se integra tamén o Pastor e onde están previstas unhas 400 saídas --no conxunto do estado a cifra ascende a case 2.600--.


A empresa e os representantes dos traballadores celebraron este xoves unha nova reunión, que nesta ocasión prolongouse ata case as 20,00 horas, ante a proximidade da finalización do período de negociacións do expediente de regulación de emprego (ERE).


Segundo explicou a portavoz da CIG Rosa Conde, un dos principais avances desta xornada foi que o banco, que presentou dúas ofertas, unha á primeira hora da mañá e outra xa sobre as 14,00 horas, "xa fala de salarios brutos", e non netos.


Esta era unha das reclamacións fundamentais das centrais, que pretenden que a maior parte das saídas sexan "voluntarias", para o que esixen unhas determinadas condicións económicas.


Para Conde, o 70% do salario bruto, que o grupo xa oferta para as prexubilacións do colectivo maior de 59 anos, "achégase ao que se estivo facendo nos últimos anos no sector". Con todo, advirte de que a cifra é "insuficiente" para os grupos de menos idade, de 58, 55 a 57 e 55 --neste último caso rolda o 50%--.


Tamén ve "insuficiente" a contía ofrecida para os grupos de menos de 50 anos e de 50 a 54. "Din que non hai dispoñibilidade económica", apunta, en referencia aos argumentos que esgrime o banco.


ACTO DE CONCILIACIÓN


Así as cousas, ambas as partes proseguirán este venres e tratarán de achegar posturas. Os sindicatos, que solicitaron un adiamento para gañar tempo nas negociacións, promoveron a celebración dun acto de conciliación, que empezará ás 9,30 horas, "á vista de que está moi difícil chegar a un acordo".


Sobre a mesa, en caso de non chegar a entendemento a compañía e as organizacións sindicais, xa está a convocatoria de folga para o próximo 10 de novembro.

relacionada ​O Popular di que xa fixo "todo o esforzo que podía facer" na redución do ERE
relacionada ​El Popular-Pastor reduce su propuesta de despidos y cierres de oficinas
relacionada ​Banco Popular presenta una propuesta que los sindicatos ven "inadmisible"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress