​O Campus do Mar e a transferencia da Escola de Enfermaría están paralizados

|

Campusdomaractividad


O BNG urxiu este mércores un acordo entre Xunta, Zona Franca e Concello de Vigo para desbloquear o proxecto do Campus do Mar nos terreos da antiga Escola de Transmisións e Electrónica de Armada (ETEA) na cidade olívica.


Así o manifestaron os deputados da formación nacionalista, Luís Bará e Montse Prado que, xunto con responsables locais e comarcais do BNG, mantiveron unha reunión co reitor da Universidade de Vigo, Salustiano Mato.


Bará subliñou que o actual é un "momento crucial" para poñer en marcha esa iniciativa, posto que "hai fondos pendentes para poñer en marcha a primeira fase". Por iso, manifestou o compromiso do BNG a nivel parlamentario para buscar o acordo que desbloquee este proxecto "fundamental para Vigo".


Así mesmo, indicou que a súa formación continuará en contacto coa asociación de veciños de Teis, parroquia onde están os terreos da antiga ETEA, dado que a posta en marcha do Campus do Mar "debe contar coa participación e complicidade" dos veciños.


"Hai que recoller as súas demandas de mellora da contorna, e a Xunta e o Concello teñen que facer esforzos por recuperar os espazos da ETEA, que teñen un enorme potencial para o goce dos veciños do barrio e do conxunto da cidade", engadiu.


ESCOLA DE ENFERMERÍA


Doutra banda, a Escola de Enfermería, dependente da Deputación de Pontevedra, está á espera de que se constitúa o novo goberno da Xunta de Galicia para ser transferida á Universidade de Vigo.


Así o confirmou este mércores o director da Escola de Enfermería, Miguel Ángel Piñón Cimadevila, durante a visita da presidenta da Deputación provincial, Carmela Silva e da deputada responsable, Eva Villaverde.


A día de hoxe 215 estudantes cursan Enfermería neste centro situado nas instalacións do Hospital Provincial de Pontevedra. Piñón Cimadevila indicou que a folla de ruta xa está marcada para que leve a cabo esa transferencia.


En calquera caso, Carmela Silva garantiu que continuarán co investimento nesta Escola, que precisa a mellora dunha das aulas e dunha remesa de computadores e ferramentas. Segundo apuntou o director do centro, levan nas instalacións desde 1944 e estas resultan moi calorosas na primavera, polo que tamén precisan dun sistema de aire acondicionado.


Carmela Silva destacou o referente que supón este centro en toda Galicia porque nel tamén se ensina a atender ás vítimas da violencia de xénero. Ademais tamén apuntou que leva moitos anos utilizando a linguaxe inclusiva.

relacionada ​Unha tese da UVigo dálle un uso medioambiental á casca da castaña
relacionada A UVigo conclúe os trámites do grao de Enxeñaría Aeroespacial, que remitirá á Xunta para a súa verificación
relacionada ​A Unión Europea interésase polo plan de compostaxe pontevedrés

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress