O primeiro banco de leite de Galicia alimenta a 20 nenos gracias a 36 nais solidarias

|

Bancolechematerna

Máis de 20 nenos beneficiáronse nos primeiros meses do banco de leite materno da xerencia compostelá do Servizo Galego de Saúde (CHUS). Ademais, entre abril e setembro de 2016, o primeiro banco de leite de Galicia obtivo a solidariedade de 36 nais doantes de toda a comunidade.


A idade media das 36 nais doantes neste primeiro banco foi de 33,7 anos, a maioría (60,6 por cento) teñen un único fillo, mentres que un 27,2 por cento teñen dous, e un 12 por cento, ata tres. A gran maioría tiveron o seu fillo nado a termo (o 75,8 por cento), mentres que o 24,2 por cento foron nais de nenos prematuros.


Nos seis primeiros meses (abril-setembro), beneficiáronse máis de 20 nenos, a gran maioría (83,3 por cento) eran grandes prematuros (menor de 32 semanas de xestación e/ou cun peso inferior a 1.500 gramos); o resto eran bebés con diversas patoloxías.


ENCONTRO DE PEDIATRÍA


Diso informou o Sergas, no marco da inauguración da 67 edición do Congreso da Sociedade de Pediatría de Galicia (Sopega), encontro que este ano se celebra en Santiago e no que se dan cita uns 200 pediatras de toda Galicia.


O comité organizador desta reunión da cuarta sociedade pediátrica máis antiga de España, que agrupa a máis de 500 membros, está presidido por José María Martinón e por Luz Couce, da xerencia sanitaria compostelá.


Na súa intervención, Luís Verde destacou a "prestixiosa traxectoria" da pediatría compostelá nos seus diversos departamentos e subliñou como última mostra o premio que recentemente recibiron os profesionais de Neonatoloxía.


De feito, acaban de ser recoñecidos como o mellor servizo de toda España polos premios BIC, outorgados pola revista especializada Gaceta Médica e a cátedra de Innovación e xestión sanitaria da Universidade Rey Juan Carlos.

relacionada ​Teatro de marionetas para bebés desde los seis meses de edad
relacionada La mitad de los recién nacidos no recibe leche materna en su primera hora de vida

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress