Banco Popular pecha 13 oficinas en Galicia

|

Bancopopular


Banco Popular culminou o peche de 195 sucursais, 13 delas en Galicia, e integrou o seu negocio noutras oficinas, unha acción que entra dentro do plan de reestruturación que está a levar a cabo a entidade e que contempla o peche de 302 oficinas --inicialmente unhas 40 na comunidade galega--.


Segundo informou o banco, o resto de sucursais afectadas por este plan terminaranse de integrar nas próximas semanas, co fin de que o proceso estea finalizado o 22 de decembro.


Durante as negociacións do expediente de regulación de emprego (ERE), o Popular trasladou aos sindicatos que reduciría os peches de oficinas en Galicia, inicialmente cuantificados en 42 --30 de Pastor e 12 de Popular--, e que non eliminaría emprego en tres sucursais nas que prevía facelo --dúas na provincia da Coruña e unha en Pontevedra--.


Este luns, Popular explica, a través dun comunicado de prensa, que "a mellora da rendibilidade e a eficiencia" atópanse detrás desta remodelación da estrutura da súa rede comercial. Isto permitirá "mellorar en axilidade e simplificar os procesos administrativos que actualmente se producen nas oficinas, así como mellorar o tempo de atención comercial".


O banco insiste en que os seus clientes non se verán afectados por esta reestruturación, posto que o negocio das sucursais que se están pechando é integrado noutras da mesma zona.


Ademais, unha parte das tarefas de tipo administrativo reorientaranse e serán transferidas a centros especializados de 'back office' para liberar o tempo que poida ser dedicado á actividade comercial. "Este novo modelo estenderase a todas as sucursais da rede ao longo de 2017, acompañado da optimización operativa e dixitalización", apunta.


ADHESIÓNS VOLUNTARIAS


A integración destas oficinas coincide co proceso de axuste de persoal que executou o banco e que implicou a saída, mediante adhesións voluntarias de 2.592 empregados.


En Galicia, 298 traballadores de Popular e Pastor sumáronse de forma voluntaria ao ERE tras pedilo 370 persoas.

relacionada ​370 traballadores galegos de Popular súmanse ao ERE de forma voluntaria

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress