​O alcalde de Xinzo renuncia á militancia no PP tras a apertura de xuízo oral

|

Alcaldexinzodelimiaantonioperezrodriguez


O alcalde de Xinzo de Limia, Antonio Pérez Rodríguez, presentou a última hora deste mércores por escrito a súa renuncia temporal a militar no Partido Popular de Ourense tras a decisión do Xulgado de Instrución de Xinzo de abrir xuízo oral contra el por un suposto delito continuado de prevaricación.


Así o confirmou o PP de Ourense a través dun comunicado no que recolle que Pérez Rodríguez indica no seu escrito que toma esta decisión en cumprimento do establecido no réxime interior e no código ético do partido.


Ante esta situación, o PP ourensán expresa o "máis absoluto respecto" pola decisión do alcalde de Xinzo e procedeu a dar trámite ao seu escrito.


A maxistrada do Xulgado de Instrución número 1 de Xinzo de Limia, Águeda Rodríguez, decretou apertura de xuízo oral contra o alcalde da localidade por un suposto delito continuado de prevaricación en relación a varios contratos efectuados no Consistorio.


ENCADENAMENTO DE CONTRATOS EVENTUAIS


A apertura de xuízo oral, que ratifica un auto no que tamén se declara órgano competente para o coñecemento e fallo da causa ao Xulgado do Penal de Ourense, chega despois de que tanto a fiscalía como a CIG, acudida como acusación popular, solicitasen 10 anos de inhabilitación especial para emprego ou cargo público


A investigación partiu de 21 contratacións e as sospeitas situábanse nun suposto encadenamento de contratos eventuais, no que a xuíza detectaba a posibilidade de que traballadores contratados de forma temporal ou por unha duración determinada pasasen a estalo de forma indefinida.


Na súa declaración como investigado, o alcalde esgrimiu que ningún técnico lle advertiu de que podía estar a cometer unha irregularidade.

relacionada ​Camilo de Dios: “Son un home sen ideoloxía, só rebeldía”
relacionada Piden a dimisión do alcalde de Xinzo de Limia polo que dixo do lume de Cualedro

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress