​Nace a Asociación de Traballadores de Incendios Forestais de Galicia ATRIFOGA

|

Traballadorestresmesesincendios


Un total de 436 traballadores públicos do Servizo de Incendios da Consellería do Medio Rural (SPDCIF) veñen de constituír a Asociación de Traballadores de Incendios Forestais de Galicia (ATRIFOGA), que segundo indican nun comunicado, “nace de xeito espontáneo, independente e sen ningunfa afiliación ideolóxica ante o desamparo legal fronte á Administración e pola marxinación da maioría das forzas sindicais”.


No mesmo escrito, o voceiro dos asociados denuncia que os traballadores deste colectivo teñen un tipo de contrato “blindado” de tres meses como máximo para efectuar o seus labores de extinción nos lumes --só nos meses do verán--, o cal “non lles permite facer substitucións nin realizar traballos de prevención”, ao tempo que sofren “desprotección social” ao estaren “limitados” para acceder a diversos subsidios de desemprego e a algúns plans de formación, o cal xera situacións de “precarización, inestabilidade e desigualdade laboral”, ademais de estaren tamén excluídos do Convenio Colectivo. 


Por estes motivos, unha das súas principais reivindicacións é a prolongación dos seus contratos a nove meses, para ter a consideración de persoal fixo descontinuo e optar a un contrato digno.


UN SERVIZO ÚNICO, PÚBLICO E PROFESIONALIZADO


Os traballadores de tres meses denuncian asimesmo a tendencia da Consellería á progresiva “privatización” e á “segmentación do Servizo de Incendios” en diferentes e numerosas entidades --públicas, públicas con xestión privada, privadas e municipais--, o cal na súa opinión repercute “negativamente” na coordinación, seguridade e operatividade á hora de loitar contra os incendios forestais.


A recén constituída ATRIFOGA aboga por un Servizo de Incendios único, público, igualitario e profesionalizado. Ademais, consideran que o capital humano que achegan é un “gran recurso que pode ser empregado para desempeñar as necesarias e básicas tarefas de prevención e protección da masa forestal galega”, dada a súa “contrastada experiencia, --algúns deles levan encadeando de quince a vinte campañas, aseguran--, eficacia e formación”.


PREVENCIÓN


ATRIFOGA defínese como unha asociación cun marcado carácter de “defensa do ámbito forestal e compromiso ecolóxico”, facendo fincapé nas políticas de prevención que “habería que realizar fóra da época de alto risco para evitar os efectos destrutores dos lumes e minimizar as perdas, o cal sería posible, aseguran, “a través de accións educativas, unha maior concienciación medioambiental, a reorganización do terreo e a adopción de medidas que revaloricen o rural e poñan en valor a nosa riqueza forestal”. 

relacionada Bombeiros forestais condenados a traballar só tres meses
relacionada Tres meses de contrato para los bomberos forestales

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress